Danimarkako TEC Lanbide Heziketako ikastetxetik ordezkaritza bat jaso dugu.

Danimarkako TEC .Technical Education Copenhagen Ikastetxeko 7  irakasleez osatutako talde bat Euskal Herriko Lanbide Heziketa eta bertan ditugun baliabideak aztertzen egon dira hiru egunez.

Lanbide Heziketako ikastetxea hau Danimarkako bigarren handiena da eta 4700 ikasle baino gehiago ditu, 800 langile inguru eta  5 campus ezberdin ere bai.

Denbora honetan zehar, gure hezkuntza sistema ezagutu dute eta beraienarekin konparaketak egin dituzte. Ikastetxeko instalakuntza, baliabide eta garatzen ditugun metodologiei buruzko informazioa jasotzeko aukera ere izan dute.

Elektrizitate alorreko partaideak direnez, energia berriztagarriekin lotutako bisita esanguratsu batzuk egiteko parada ere izan dute egun hauetan: Mutrikuko olatu planta, olatu-energiaz baliatzen dena argi indarra lortzeko eta Martutenen kokatuta dagoen i-sare  Smart Grid esperimentazio zentroa. Azpiegitura aitzindari honek sare adimendunen alorreko teknologiak eta soluzioak sustatzea du helburu.

Tknika , Errenterian dagoen, Lanbide Heziketari Aplikatutako Ikerketa eta Berrikuntzako Euskal  Zentroa ezagutzeko aukera izan dute beste egun batean.

Egonaldian zehar baita ere beste lanbide heziketako bi ikastetxe bisitatu dituzte : Usurbil LHII eta Zubiri Manteo BHI. Denbora honetan ekintza kulturalak ere bere programaren barne izan dituzte.  

 TEC-eko ordezkaritza gure ikastetxean

  Metodologia kolaboratiboei buruzko azalpenak jasotzen.

 Mutrikuko olatu plantara bisita

       i-sare Smart Grid esperimentazio zentroa ezagutzen

 TKNIKA-n bisitan

TOLOSALDEA LHIIKO ETA HAZPARNEKO INFORMATIKA IKASLEEN TRUKAKETA

Ikasturte honetan, TOLOSALDEA LHIIko Informatika ikasleek aukera izan dute trukea egiteko Iparraldeko eskola batekin: Hazparneko San Josepe lizeoarekin, hain zuzen ere. Trukea Lanbide Heziketarako PyireneFP proiektuaren barruan kokatzen da. Proiektu horren lehentasunezko asmoa da Pirinioetako lurraldeen ahalbideak indartzea eta lurraldeon arteko kohesioa saretzea. Trukea antolatzeko, pasa den ekainean elkartu, eta, bi hezkuntza sistemak aztertu ondoren, ikasturte honetarako elkarlana martxan jartzea adostu zuten bi eskoletako informatika alorreko irakasleek.



Trukearen nondik norakoak
 
Martxoaren 14an, San Josepe Lizeoko hamabi ikaslek eta bi irakaslek hiru eguneko egonaldia egin zuten Tolosaldean. Egonaldi hartan, ikasleak talde batean baino gehiagotan aritu ziren elkarlanean hainbat teknologia aztertzen eta lantzen: 3D inprimagailuak, errealitate areagotua, zuntz fusionagailua, Arduino, mugikorrak, overclockinga...

                                                                     Partaide guztiak Tolosaldean

Gero, Tolosaldeako ikasle eta irakasle batzuk hiru egun eman zituzten Hazparnen: martxoaren 26tik 28ra. Goi mailako heziketa zikloko ikasketekin zuzenean lotuta dauden edukiak landu zituzten: CISCO Network Essentials ikastaroa egin zuten. Alde teorikoa eta praktikoa Tolosan simulagailuan landu eta gero, ikasleek zein irakasleek benetako gailuetan egin zituzten lan praktikoak Hazparnen. Amaieran azterketa egin, eta ikastaroko ziurtagiria lortu zuten.
 

                                                                 Hazparnen formakuntza jasotzen.                       


Egonaldi batean zein bestean, bestelako jarduera batzuk ere antolatu ziren, Gipuzkoako eta Lapurdiko errealitateak hobeto ezagutzeko: inguruko herriak bisitatu, ibilaldiak mendira edo herriren batera, elkarrekin afari bat... Alderdi profesionalaz gain, truke hauen helburua izaten da zeharkako gaitasunak ere lantzea: gaitasun pertsonalak, gaitasun sozialak... Ikasleek, gainera, aukera eduki dute hizkuntzak praktikatzeko: ingelesez jardun dira batez ere, baina baita euskaraz, gaztelaniaz eta frantsesez ere.
Proiektua prestatzeko, egoki kudeatzeko eta sor zitezkeen zailtasunei aurre egiteko, etengabe egon ginen harremanetan Hazparnekoekin, bai e-mailez, bai bileren bidez   

                                                                 

                                                                                                                                                                                                                                              
                        
Aurrera begira
 
Egindako balorazioen arabera, oso interesgarritzat jotzen da beste herrialdeekin egindako elkarlana. Beraz, hurrengo ikasturtean ere trukeekin segitzeko asmoa dugu.
Ikastetxeen arteko harremanak sendotzen ari dira, eta horrek aukera ematen digu etorkizunean elkarrekin proiektu gehiago garatzeko, ikasle eta irakasleen mugikortasuna sustatzeko eta eskualde guztiek beste herrialdeetan eskuratutako prestakuntza ezagutzeko eta baliozkotzat jotzeko.

Finlandiako 6 ikasle izan dira praktiketan Tolosaldeko enpresetan

Finlandiako Gradia eta Treduko 6 ikasle Tolosaldeko Pasaban eta Ilunki enpresetan izan dira 6 astez beraien praktikaldia burutzen. Ikasle hauek mekanikako eta elektrizitateko espezialitatekoak dira.
Beste urteetan bezala, aurten ere esperientzi hau burutu nahi izan dugu beste herrialde batzuetako ikastetxeekin elkarlana sustatuz.

 Finlandiako Gradia ikastetxeko Mikko eta Karri-rekin

  Finlandiako Gradia ikastetxeko Mikko eta Karri-rekin

Finlandiako Tredu ikastetxeko Onni eta Mikko praktiketan

Gradia eta Treduko,  Mikko, Onni, Samu eta Anssi-rekin.

2017-2018 ikasturteko ikasleak atzerrira praktikak egitera joan dira ERASMUS+ programaren barruan

Aurreko urteetan bezala, aurtengoan ere gure ikastetxeko hainbat ikasle Europako zenbait herrialdetara joan dira. Ikasturte honetako jomugako herrialdeak Italia eta Polonia izan dira.

Ikasle hauek herrialde horietako enpresetan praktikak egiten egongo dira, hiru hilabetez. Modu horretan, ELP ikasgaia bertan garatzeko aukera izango dute.

Mugikortasun hauek Erasmus+ europar programak finantzatzen ditu eta Eusko Jaurlaritzaren kofinanziazioa ere jasotzen dute.

Azken urteetan, atzerrira joaten diren ikasle eta irakasleen kopurua goraka doa gure ikastetxean, nazioartekotzeari gurean eman nahi zaion bultzadaren isla delarik.
 Beheko argazkietan proiektuko parte-hartzaile batzuk agertzen dira, beraien koordinatzailearekin batera.

Gure ikastetxeak bere Erasmus+ proiektuak ditu, eta baita ere Ikaslan-en kontsortzioan parte hartzen duenez, beraien bidez ere ikasleak atzerrira praktiketara bideratzen ditu.

 

Fabrianon ikastetxe ezberdinetako ikasleekin batera

 
Andrea Fabrianon (Italia) arropa dendan praktiketan
 

 

                                            

  

Oier eta Aitor automatizazioko softwarea lantzen.

                                        

 

Mikel laserrez moztutako piezak egokitzen.

 

Jon enpresako biltegian praktiketan

 

Beñat eta Josebarekin Wroclaw-en. (Polonia)

Ikastetxeko ikasle eta irakasleak Reunion Uhartean egonaldi bat burutu dute

Merkataritza Jardueretako 6 ikaslek eta ikastetxeko 6 irakaslek, Indiko Ozeanoan kokatuta dagoen Reunion Uhartean iraupen ezberdinetako egonaldi bat egin dute. Uharte hau, nahiz eta gugandik urrun kokatuta egon, Frantziako lurraldea da, arraza, erlijio eta kultur ezberdinen nahasketaren lekukoa da.

  Non kokatzen da Reunion Uhartea?

https://eu.wikipedia.org/wiki/R%C3%A9union 

 

Ikasle taldea bere tutoreekin, Reunionera abiatu aurretik.








Bertakoak eginiko harrera ekitaldian

Ikasleak La Saline Les Hauts-en kokatuta dagoen Lycée Professionel La Vue Belle-koekin batera egon dira eskolak jasotzen eta elkarlanean. Lehenengo astean bertako ikasleekin egon ziren salmenta eta merkataritzako kontzeptu desberdinak batera lantzen  Bigarren astean berriz, inguruko enpresetan lan praktikak egiteko aukera izan dute. Ikastetxeko merkataritzako bi irakasle izan dituzte beraiekin, laguntza emanez, egonaldiak iraun duen bitartean.

  Praktikak egin behar dituzten supermerkatuko arduradunekin bileran

Ikasturtean zehar bi proiektu landu genituen Vue-Belle izeoko ikasleekin.
Alde batetik, salmentarekin erlazionatuta hizkuntza ezberdinetan landu genuen salmentako hiztegia. 

Reunion uhartekoek erderaz eta frantzesez eta guk euskeraz eta ingeleraz. Hiztegi horrekin salmenta egoerak antzeztu genituen eta elkartrukaketa egin.  Reunion uhartean bertako ikasleekin aurrez aurre rol jokoen bidez salmentarako teknikak landu genituen.

 

Bertako ikasleekin elkarlanean  

Beste alde batetik merkataritzarekin erlazionatuta bakoitzaren herrialdea promozionatzeko kanpaina bat egin genuen. Kanpaina ikasturtean zehar landu genuen eta Reunion Uhartera joatean kanpainaren aurkezpena egin genuen (talde bakoitzak berea).

 La Vue-Belle Lizeoan

  Ikastetxeko irakasleak bertako ikasle talde batekin.

Bestalde, ikastetxeko zuzendaritzako lau irakaslek, uharte honetako 3 ikastetxe eta bertako itsas portua ezagutzeko aukera izan dute. Ikastetxeak, Lycée Professionel La Vue Belle, Le Port hirian dagoen Lycée Professionnel Léon de Lépervanche eta Saint-Leu hirian dagoen Lycée Polyvalent Stella izan dira. Bertan, lanbide heziketako ikasketak, lan praktikak, hizkuntzetako irakaskuntza, taldeen kudeaketa, irakasleen karrera profesionala etabar ezagutzeko aukera izan dute.

 Enpresa txikien sorrerari buruzko eskolen garapena bertatik jarraitzen La Vue-Belle Lizeoan

 Le Port hirian dagoen Lycée Professionnel Léon de Lépervanchen

 

Le Grand Port Maritime de la Réunion-era bisita 

 

La Vue-Belle Lizeoan Nazioartekotzeari buruzko azalpenak jasotzen. 

 

 La Vue-Belle Lizeoan lan praktikei buruzko azalpenak jasotzen. 

 

Lycée La Stella-n aeronautikako ikasketak burutzen ari diren ikasleekin

 Lycée La Stella-n aeronautikako ikasketak ezagutzen.

Lycée La Stella-n aeronautikako ikasketak ezagutzen.

Lycée La Stella-na autoen mekanikako ikasketak ezagutzen.

Aurrera begira, espero dugu datorren ikasturtean La Vue-Belle-ko ikasle eta irakasleak gure ikastetxera etortzea antzeko ekintzak garatzera. Proiektu hau, Erasmus+ egitasmoaren baitan, diruz lagundutako ekintza bat izan da.

 

Tolosaldea eta La Vue Belleko irakasleak


Tolosaldeko Ataria Irratian, izandako esperientziaren berri emanez irratsaioa. Hemen.

Mekanizazioko ikasleak Hazparneko San Josepe Lizeoan izan dira.

2017ko urrian Hazparneko San Josepe Lizeoko ikasle eta irakasleek gure ikastetxean egin zuten egonaldiaren ostean, oraingoan, Tolosaldea LHII-ko 15 ikasle eta 4 irakasle Lapurdin kokatzen den herri honetan izan dira 5 egunez. Egonaldia  urtarrilaren 22tik 26ra burutu da.  

  Elkar trukaketaren parte hartzaileak

 Aurreko kasuan bezala, elkar trukaketa honen helburua bi herrialdeetako ikasle eta hezkuntza komunitateak harremanetan jartzea eta elkar hobeto ezagutzea izan da, nagusiki. Aldi berean, hainbat prestakuntza tekniko eta aisialdikoak elkarrekin partekatzeko aukera ere izan da.

  San Josepeko Mekanikako tailerrean lanean            

Hango mekanikako erdi mailako bigarren ikasturteko ikasleekin egon dira eta landu dituzten gaiak, 3D diseinua eta mekanizazioa izan dira gehienbat. Lizeoko mekanikako tailerreko makinetan lanean ibili dira, bertako ikasleekin batera, talde lana garatuz.

                                              San Josepeko Mekanikako tailerrean lanean    

 3D-ko diseinua ikasten

Egonaldian zehar, helikopteroentzako motorrak ekoizten duen Safran enpresa bisitatu zuten, bertako prozesuak ezagutuz. Beste egun batean, aeronautika sektorearentzat lan egiten duen Lauak enpresa ezagutzeko aukera izan zuten, sektore honetan erabiltzen diren materialak eta egiten diren lan mota ezberdinak ezagutuz.

Lauak enpresara bisita

 Safran enpresara bisita

 
Aisialdirako tartea ere izan da eta horretarako kirol ezberdinak praktikatu dituzte bi ikastetxeetako ikasleek. Baionako hiria ezagutzeko aukera ere izan dute, baita Miarritzen kokatzen den akuarioa ere.

                                                                Miarritzeko Akuarioan

Esperientzi honi buruz Iparraldeko Euskal Irratietako kazetari batek elkarrizketa egin diete ikasle eta irakasleei. Hemen dago elkarrizketa.

 Euskal Irratietako kazetariarekin elkarrizketa

Aurrera begira, horrelako ekimenekin jarraitzeko asmoa dugu, elkar trukaketa hauek aberaste kulturala eta profesionala dakarzkitelako. Egitasmo honek, mugaz bi aldetako komunitateen kolaborazioa sustatzen duen PyireneFP proiektuaren diru laguntzak jasotzen ditu.