Hau da Tolosaldea LHII-ko nazioartekotze proiektuen bloga.
Sepiek antolatutako Erasmus+ 2021eko ekintzen hedapen jardunaldian izan gara. Bertan, urtean zehar burutu diren praktika onak zabaldu dituzte. 2021-2027 epean, inklusioa, digitalizazioa, europar baloreak eta jasangarritasuna dira helburu. Agintariek, sarituei izan diren irakasle, arduradun eta irakasleei sariak banatu dizkiete. 2021 urtean izandako emaitzak argitaratzeaz gain, egitarauak 2022-ko deialdian izango dituen berrietaz ere aritu dira.
"In as in INclusion" KA2 proiektuko 6 herrialdeetako kideok bilera online burutu dugu. Bertan elkarlanean aritu gara ikastetxe ezberdinen errealitatea hobeto ezagutzeko eta proiektua garatzeko informazioa prestatzeko. Talde bakoitzak erakundeari eta inklusioaren inguruan duten egunerokotasunaren buruzko hainbat galdera prestatu ditu eta partekatu dira
Reunion Uharteko La Vue Belle-ko Merkataritzako ikasle eta irakasleekin bideokonferentzia bat burutu dute. Bertan, elkar hobeto ezagutzeko eta datozten asteetan egingo duten elkarlana prestatzeko ere aukera izan dute. Proiektu honetan, eTwinning plataforma erabiliz, bi herrialdeetako ezaugarri erakargarrienak erakutsiz, publizitate kanpaina bat diseinatuko dute ikastetxe bakoitzeko ikasleek. Ondoren, beste ikastetxeko ikasleei aurkeztuko diete.
Urriaren 26tik, 20era Italiako Sizilia uhartean kokatuta dagoen Enna hirian izan gara, "In as in INclusion" parte hartzen dugun KA201 proiektuko meeting-ean (1st Short-term Joint Staff Training Event ). Bertan, inklusioaren inguruko praktika onei buruzko ezagutza jaso dugu.
Zoritxarrez, Siziliako uhartea, alerta gorrian zegoen egun horietan eta ikastetxeek batzuk itxita zeuden eguraldi txarraren aurreikuspenak zirela medio. Hala ere, jarduera ezberdinak burutzeko aukera izan zen.
Matilda Pierra Prefektuak taldearen harrera egin zuen, bertan aztertu zuten Italiako inklusio politikak, herrialde horretako ikastetxeek gai honi buruz jarraitzen duten legedia eta Enna-ko Instituto Professionale Frederico II ikastetxearen eskarmentua atal honetan.
Taldearen harrera Ennan, Matilda Pierra Prefektuaren aldetik
Lan jardunaldiaren ondoren, partehartzaileak Ennako ondasun kultural aberatsetaz jabetzeko aukera izan zuten, Enna bertako Preffeturan dagoen erakustokian eta hiriaren arkitektura. Francesco Colliani alkate ordearen harrera ere izan zuten bertako udaletxean.
Modu berean, egonaldian zehar, BEE COOP kooperatibaren aurkezpena izan zen, enpresa hau, bolondresetik haratago, langileei diru sarrera duin batzuk erakarri ditzaketen jarduerak burutzeko sortu zen, egunen batean independentzia ekonomikoa lortzeko.
Enpresa honetan, langileen gehiengoa desgaitasunak dituzten pertsonek osatzen dute, eta lanbide honi esker, diru sarrera batzuk lortzen dituzte, nahiz eta hasieran baxuak izan, denborarekin duinak izatera iritsi arte eta agian independentzia ekonomikoa. Informazio gehiago esteka honetan.
SEPIE-k antolatutako Goi Mailako Hezkuntzako Erasmus+ ikasle eta pertsonalgoaren mugikortasun proiektuen jardunaldi birtualeetan parte hartu dugu (KA131-HED) -2021
innoVET
- berrikuntza nazioartekotzearen bidez (Swiss CoVE) proiektua
Tknika-rekin batera,
Suitzako gobernuak bultzatuko innoVET proiektuko lehen bileran, 9
herrialdeetako ordezkariak parte hartu dugu, Alemaniako Wilhelmshaven hirian.
Helburua, nazioartekotzearen bidez, Lanbide Heziketan berrikuntza sustatzea.
Lanbide heziketan
berrikuntzarako gaitasuna erakundeen nazioartekotzearekin lotura estruktural,
kultural eta estrategiko mailarekin erlazionatuta dago.
Europako bazkideekin (Lanbide ikastetxeak, unibertsitateak, enpresak,
elkarteak) nazioarteko trukeak bidez, berrikuntza eta nazioartekotzea
sustatzeko tresnak, metodoak eta prestakuntza ikastaroak garatuko dira bertan.
6 bilera orokor eta 6 irakasle akademia burutuko dira hiru urteetan zehar.
Koordinatzailea Movetia da, erakunde hau, Suitzako hezkuntza sistemako trukeak
eta mugikortasuna sustatzeko agentzia nazionala da
Euskal Herriaz gain, Suitzako, Alemaniako, Danimarkako, Albaniako, Holandako,
Finland
iako, Erresuma Batuko, Bulgariako eta Kanariar Uharteetako LHko bazkideak daude
proiektu honetan.
"THE GUARDIANS OF EUROPE" ERASMUS+ KA229 Proiektuko azken mugikortasuna burutu dugu. Abuztuaren 26tik 31era burutu den ekintza honetan, bost herrialdeetako "Europako zaindariek" bideoak editatzen eta Kodular eta Canva bezalako programetaz ikasi dute. Proiektu amaierako txostenataz eta hedapen estrategiari buruz ere aritu dira.
Portugaleko ERASMUS + Agentzia Nazionaleko aurkezpen interesgarri batean ere bertaratu dira.
Mugikortasun honen ondoren, Android erabiltzen duten telefonoentzat, proiektuarekin lotutako aplikazioak, alde interesatuei bidaliko zaizkien kartel digitalak eta proiektuaren promoziorako balioko duen bideo bat, proiektuaren jarduerak eta emaitzak erakutsiz.
Aljustrel-en ondare kulturala ezagutzeko ibilbide bat prestatu da, bertako nortasunean itsatsita dauden meategiak ezagutuz.
Gida paregabeek, Nelson Brito bertako alkate jaunak eta Rui Faustino Jaunak, lur azpian gordetzen diren toki eder horiek erakutsi eta azalpenak eman dituzte.
Faro hirian, Virginia eta Nuno Ribeiro-ren eskutik, ETIC_Algarve instalazio ederrak eta ikastetxeko ezaugarriak ezagutu dituzte. Bertan, eginez- ikasi metodologiaren bidez irakasten dute.
Taldeak, bertako ondare naturala eta kulturala adierazle diren Faro (Formosa itsasadarra), Beja ( erdigune historikoa), Lisboa (Belen-eko eremua), Vila Nova de Milfontes (Vicentina Kostaldea) eta Aljustrel (inguruko eremuak eta lur azpikoak)
Gure eskerrik onena Aljustreleko taldeari, prestatu duten mugikortasun honegatik.
Gure proiektuaren web orrialdea: https;//theguardiansofeurope.eu
Gaurkoan, Turkiako "Balıkesir Adnan Menderes High School" -eko ordezkariek egin dute aurkezpena. Bertan, herrialdearen ezaugarri nagusiak azaltzeaz gain, bertako hezkuntza sistema eta ikastetxeari buruzko informazioa helarazi dute. Ikastetxeak, landa-eremutik eta jatorri txiroetatik datozten ikasleekin burutzen dituzten inklusio praktika onak azaldu dituzte.
Aurkezpen honetaz gain, datorren ikasturterako, herrialde ezberdinetan egitea espero diren bileren datak ezarri dira.
"IN as in INclusion" proiektuaren baitan, parte hartzaile den ikastetxe bakoitza, bere herrialdea, ingurua, ikastetxea eta ikaslegoaren inklusioaren alde egiten duen lana azaltzen ari da.
Oraingo honetan, Esloveniako "School of Economics of Novo Mesto" ikastetxeak burutu du aurkezpena. Bertan, herrialdearen ezaugarri nagusiak azaltzeaz gain, ikastetxeak, atzerritik datozten ikasleekin eta ikasle errefuxiatuekin egiten ari diren inklusio praktika onak azaldu dituzte.
Aurrera begira, beste ikastetxeek ere, antzeko aurkezpenak egingo dituzte.
Espainiako Sepie (Servicio Español para la Internacionalización de la Educación), erakundeak antolatutako Erasmus+, online moduan izan diren, Goi Mailako Hezkuntzako KA1 jardunaldietan parte hartu dugu.
Aurtengoan, bizi dugun egoera berezia kontutan izanda, jardunaldia modu birtualean burutu da.
Bertan, 2021-2027 Erasmus+ programak eskaintzen dituen aukerak azaldu dituzte. Bide beretik, 2014-2020 aurreko programaren lortutako emaitzak erakutsi dira.
Aurrera begira, programa honek, Goi Mailako Heziketa Zikloko ikasleentzako, mugikortasunerako aukerak eskaintzen dizkie. Modu berean, sektore honetan lanean aritzen diren irakasle eta langileei ere.
Programa berri honen bidez, ez bakarrik Europan baizik eta ikasketak edo praktikak, mundu osoko beste herrialdeetan ere burutu daitezke, aurrez ezarritako baldintza batzuekin.
Gure ikastetxeak ECHE Goi Mailako Lanbide Heziketako Mailako Gutuna 2021-2027 aldirako lortu duenez, beste batzuen artean, KA131 proiektuak garatzeko bidea irekitzen zaio.
Espainiako Sepie (Servicio Español para la Internacionalización de la Educación), erakundeak antolatutako Erasmus+ , Lanbide Heziketako sektoreko KA1 jardunaldietan parte hartu dugu.
Aurtengoan, bizi dugun egoera berezia kontutan izanda, jardunaldia modu birtualean burutu da.
Bertan, 2021-2027 Erasmus+ programak eskaintzen dituen aukerak azaldu dituzte. Bide beretik, 2014-2020 aurreko programaren lortutako emaitzak erakutsi dira.
Aurrera begira, programa honek, Lanbide Heziketako erdi mailako ikasleentzako, Profesionaltasun Ziurtagiriak lortzeko ikasten ari diren ikasleentzako eta Etengabeko Prestakuntzan ikasten ari direnentzako, mugikortasunerako aukerak eskaintzen dizkie. Modu berean, sektore honetan lanean aritzen diren irakasle eta langileei ere.
Programa berri honen bidez, ez bakarrik Europan baizik eta ikasketak edo praktikak, mundu osoko beste herrialdeetan ere burutu daitezke, aurrez ezarritako baldintza batzuekin.
Gure ikastetxea Lanbide Heziketako mailako akreditazioa lortu duenez, orain KA121 proiektuak garatzeko bidea irekitzen zaio.
2021eko apirilaren 22an, Tknika-tik antolatutako KA2-KA3 berrikuntza proiektuen hedapenerako antolatutako jardunaldia buru da.
Jardunaldi honetan guk parte hartzen dugun, "In Partnership for Successful Inclusion in a European Perspective" edo "In as in INclusion" Erasmus+ KA201 proiektua aurkeztu dugu.
Bertan, proiektuan parte hartzen duten partaideen berri eman da eta bakoitzaren ezaugarriak adierazi dira. Proiektuak bi urteko iraupena izango du eta bere helburu nagusia "Hezkuntza denontzat eta norbanakoarentzat" kontzeptua Europako ikastetxe eta erakundeetan txertatzen joatea da.
Ikastetxe ezberdinetan ikasle mota anitzekin burutzen diren eskola inklusiorako praktika onak bildu eta zabaldu nahi dira. Horretarako ITP (Inclusive Training Plan) eta IB (Inclusion Booklet) dokumentuak sortuko dira, Prestakuntza eskaintzen duen SIPE erakundeak, dokumentu hauen sorkuntza koordinatuko du.
Azken urte hau benetan zaila suertatzen ari da Covid-19-aren krisia dela medio. Joan den ikasturteko martxoan, itxialdiarekin batera, atzerrira egitekoak ziren mugikortasunak, bertan behera gelditu ziren eta oraindik ere antzeko egoe-ran jarraitzen dugu. Hala ere, digitalizazioari esker, 20-21 ikasturte honetan badira zenbait proiektu martxan ditugunak; horien adibide bat, Frantziako Chambery hirian dagoen Lycée Monge-ko ikasleekin batera, gure ikastetxeko mekanikako ikasleak burutzen ari direna.
Gure ikasleek altxagarri batzuk mekanizatu zituzten eta ondoren, Chambery-ko ikasleek, materialaren propietateak aztertu eta gero, tratamendu termikoen bidez, pieza horien propietate mekanikoak hobetuko dituzte (gogor-tasuna, zailtasuna etab.). Lan hau burututakoan, berriro altxagarriak Tolosal-deara bidaliko dituzte eta bertan arteztu ondoren, erabilgarri izango dira tailerreko lanetarako.
Komunikazioa eten gabea da prozesuan zehar, bakoitzak bere burua aurkez-teaz gain, lanean egindakoak joaten da azaltzen.
Beste hainbat proiektu ere martxan ditugu:
Italiako ikastetxe batekin, mintzapraktika ingelesez egiteko.
Erasmus+ KA2 proiektuaren barruan "In as in INclusión" izenburu duena; honen helburua, ikastetxeetan inklusioa sustatzeko egiten diren “praktika onen” zabalkuntza da eta bertan, sei herrialdetako erakundeek hartzen dugu parte.
Proiektu gehiago ere baditugu martxan jartzeko, Europako ikastetxe eta era-kundeen arteko elkarlanarekin jarraitzeko.
In Partnership for a successful inclusion in a European Perspective "IN as in INclusion"
ERASMUS+ programaren barruan dagoen KA201 proiektu bat da. "Strategic Partnerships for school education" motatakoa. Proiektuaren iraupena (2020/09tik -2022/08ra izango da.
Parte hartzaileak: 6 ikastetxe eta instituzio bat.
- Agrupamento de Escolas de Aljustrel, Portugal: Behar bereziak dituzten ikasleekin lan egiten duen ikastetxe bat da. Proiektuaren koordinatzailea.
- Balıkesir Adnan Menderes High School, Turkia: Nesken inklusioan eta Garai aurreko eskola-uztearen prebentzioan aritzen den ikastetxea.
- School of Economics Novo Mesto, Eslovenia: Errefuxiatuen eta gutxiengoen inklusioa ikastetxe munduan bultzatzen duen ikastetxea.
- Istituto Professionale Statale “Frederico II”, Enna, Italia. Nazioartekotze proiektuen eta bertako eta nazioarteko sukaldaritza bidezko inklusioa sustatzen duen ikastetxea.
- CIFP Tolosaldea LHII, Euskadi. Metodologia berrien bidez, sektore industrialean txertatzeko, aukera sozioekonomiko gutxiago dituzten ikasleen prestakuntzan aritzen den ikastetxea.
- United Special Vocational Gymnasium and Lyceum of Patras, Grezia: Desgaitasunak dituzten ikasleen inklusioa lantzen duen ikastetxea.
- Sipe Training Center, Portugal: Inklusiorako prestakuntza planaren antolatzailea. Irakasleen sindikatu bat da.
Ikastetxe hauek esklusioa ikuspuntu ezberdinetatik borrokatzeko esperientzia dute.
Proiektu honen helburua alde batetik da, “Hezkuntza guztiontzat eta gutako bakoitzarentzat” kontzeptua, europar eta eremu globalean sustatzea eta instituzioek egiten duten inklusioaren kudeaketa hobetzea, benetako hezkuntza inklusibo baten alde.
Ikasle mota ezberdinen inklusioaren ikuspuntutik, praktika onen aurkezpena egingo da, Europako ikastetxe gehienentzat eredu izan daitezen eta inklusiorako prestakuntza plan bat eta parte hartzaileen ezagutza biltzen duen inklusio manual bat osatuko dira.
Dokumentazio hau, hezkuntza eremuan modu funtzional batean erabili ahal izango da, hezkuntza munduan irakasle, begirale, kudeatzaile eta abarrengatik.
Erabiliko den metodologia:
1 - Arazoak konpontzeko metodologia
2- Arazo edo kasu errealetik abiatuko da, ikasleekin lan egiten duenarentzat, hau da, erantzun bakar bat bakarrik ez duten egoerentzat.
3- Ikerketa zentratuko da, lan honetan inplikatutako agenteen zailtasunetan.
4- Erantzun edota soluzioen bilaketan hasiko da.
5- Egindako lana partekatuko da, egin-beharrekoen planifikazioa, datuen bilketa eta informazioa jasotzeko.
6- Bakarka moduan edota talde txikitan jasotako informazioa, prozesatu eta antolatuko da,
Talde handiago batentzat baliagarria eta estrapolagarria izateko.
Lan guztia sozializatzera pasako da “amaierako produktua”-ren bidez (Inclusion Training Plan - Inclusive Booklet). Emaitza hau aberasgarria izango da talde zabalago batentzat, aurrez sortutako arazoen eta galderen ezagutza, ulermena eta irtenbideen bilaketan.
7- Inpakturik onena, ikasle bakoitzaren partehartzea eta integrazioa posible izateko dauden hesi guztiak gainditzea da. Proiektuaren inpaktua, hiru atal nagusietan oinarrituko da, guk “PIE” bezala izendatuta dugularik:
- “Planning”: burutu beharreko prestakuntza ekintza aldez aurretik planifikatuz, ikaslearentzat integraziorako esanguratsuak diren jardueretan, kasuistika ezberdinak kontutan hartuz.
- “Inclusion”: Ikasle bakoitzaren parte hartzea sustatuz
- “Evaluation”: Urrats hau, aurrez egindako lana, ikaslearen beharrei erantzungo dionaren bermea izango da. Beharrezkoa bada, berrikusi eta doituko da.
Informazio gehigarria:
