Nazioartekotzea

2023(e)ko abuztuaren 20(a), igandea

Portugaleko Porto hirian burutu da In as in INclusion proiektuko 2. TPM bilera

In as in INclusion KA2 proiektuko 2. Transnational Project Meeting bilera, Portugaleko Porto hirian burutu da 2023ko uztailak 13 eta 14ean .

Bilera honetan partaide guztiak izan dira eta proiektuan zehar burututako ekintzen balorazioa egin da. Bide batez, final report delakoaren prestakuntzan aritu dira bazkideak.

Oraingoan SIPE erakundea izan da bilera honen antolatzailea.

Oso balorazio onak jaso dira eta bertan azpimarratu da, proiektuko honetako emaitza nagusiak, Inclusive Training Plan eta Inclusion Booklet-a oso baliagarriak izango direla beste herrialdeetan inkluisio praktika onak nola garatzen dire ezagutzeko.

Bilera hau izan da proiketu honen azkenekoa. Oso lankidetza eta giro ona izan dute partaideak proiektu hau garatu den bitartean, eta guztiok besteengandik asko ikasi dute.

Zorionak partaideei egindako lanagatik eta inklusioa hedatzeko gure hezkuntza eta gizartean.

In as in INclusion proiektuko Multiplier Event saioa burutu dugu

2023ko uztailaren 23an, In as in INclusion proiektuko Multiplier Event saioa burutu dugu Errenterian kokatuta dagoen Tknika zentruan. Zentru hau Euskal Lanbide Heziketako Berrikuntza Aplikaturiko Zentrua da eta bertan parte hartu zuten ikastetxe eta erakunde ezberdinetako irakasle, profesional eta hezitzaileak.

Partaide gehienak Euskal Herrikoak izan ziren eta atzerriko batzuk ere bertaratu ziren.

Multiplier Event honetan, proiektu honetan zehar landutako esperientziak eta lortutako emaitzak azaldu

dira. Inclusive Booklet eta Inclusion Training Plan-aren edukiak bertan erakutsi dira, baita ere, proiektuan sortutako web orrialdea, eduki guztiekin eta proiektuan oinarritutako app-a ere bai. Material guzti hau hizkuntza ezberdinetara itzulia izan da.

Ekitaldian partehartzaileek interes handiz entzun zituzten proiektuaren aurkezleen azalpenak eta arrakastatsua izan zen.

2023(e)ko uztailaren 2(a), igandea

Merkataritzako ikasleak Reunion Uhartean izan dira elkartruke batean.

Merkataritzako ikasle talde batek bi asteetako egonaldia burutu du Reunion Uhartean (Frantzia) ikasketak eta praktikak burutzeko. Proiektu hau, bertako Lycée La Vue Belle-ko bazkideekin, elkartrukeak gauzatzeko akordio baten baitan kokatzen da. Lehen aldiz 2018. urtean burutu zen bien arteko antzeko esperientzia.

Taldea ikastetxean

Lehenengo astean Lycée Vue Belle ikastetxean eskolak jaso dituzte.Bertan, gure ikasleek, Reunionekoekin osatutako kanpainaren parte bezala, Euskal Herriko toki esanguratsu eta gure kulturari buruzko informazioa zabaldu dute. Oso interesgarria izan da kultura desberdinak elkar partekatzea. Baita ere frantsesez eta gaztelaniaz merkataritza munduan ohikoak diren egoeretan erabiltzeko esaldiak eta hiztegia ikasi dute.

Bi ikastetxeetako ikasleak bertan elkarlanean

Bigarren astean, lantoki ezberdinetan beraien lan prestakuntza burutu dute. Horretarako jomugako

herrialdeko enpresa ezberdinetan aritu dira lan praktiketan: Intersport, But eta Kit-M.

Bi herrialdeetako ikasleek enpresetan praktiketan

Frantziar estatuaren parte den uharte honetan, jatorri, erlijio eta kultura anitzeko pertsonak daude eta hori dela eta oso aberatsa da ikuspuntu honetatik begiratuta.Horretaz gain, aisialdian, bertako edertasunez betetako tokiak ezagutzeko aukera ere izan dute.

Aurrera begira elkarlanean jarraitzeko asmoa azaldu dute bi ikastetxeetako ordezkariek. Esperientzia oso aberasgarria da ikasleentzat. Proiektu hau Erasmus+ programaren laguntzari esker burutu ahal izan da.

2023(e)ko ekainaren 27(a), asteartea

DIGITECH KA2 proiektuko 2.TPM bilera Tolosaldea LHII-n burutu da

DIGITECH KA2 proiektuko 2. TPM bilera Tolosaldea LHII-n burutu da bi egunetan zehar, 2023ko maiatzaren 18an eta 19an hain zuzen ere. Proiektu honen helburua, irakasleen eta ikasleen gaitasun digitalak sustatzea da, jasangarritasunarekin erlazionatutako programak lantzeko. Proiektu honetan parte hartzen dute 4 herrialdeetako 5 erakunde ezberdinek. Herbehereetako bi erakunde: Stichting Technotrend eta Energy Challenges fundazioa, Alemaniako The European Institute for Innovation – Technology, Turkiako BOSEV fundazioa eta Euskal Herriko Tolosaldea LHII.

Aurrez ere beste bilera bat burutu zen Herbehereetan 2022ko irailean eta ondoren hilabetean behin, online bilerak garatzen dituzte bazkideek. Bide batez ikastetxeko instalazioak ezagutzeko ere aukera izan zuten.

Gai ugari landu eta planifikatu dira bertan:

Datozen hilabeteetan burutu beharreko ekintzak, sortu behar den plataforma, bertan irakasleak komunikatzeko eta gaitasun digitaletan eta jasangarritasunaren inguruan trebatzeko etab.

Sortzen ari diren plataforma

Lehenengo fase batean, irakasleok Covid-aren krisiaren garaian landutako gaitasun digitalak neurtu dira. Horrela, proiektuaren hasieran gaitasun hauek zenbaterainokoak ziren neurtu zen. Horretarako VET-TEDD izeneko autoebaluaziorako erreminta bat erabili zen, galdetegi batzuekin batera.

Orain, ebaluazio horren ondorioekin Toolkit-1 izeneko aplikazio eta baliabideak diseinatu, sortu eta jarri dira martxan plataforman, ondoren irakasleek bertan trebatu ahal izateko. Material hauek, gaitasun digitalekin eta jasangarritasunarekin lotura dute. Ondoren irakasleek, berain ikasleekin jasangarritasunarekin lotutako egitarauak edo ekintzak lantzeko erabiliko dituzte.

Prestakuntza saioak ere antolatuko dira irakasleei laguntzeko trebakuntza prozesu horretan. Aurrerago, beste ebaluazio bat egingo da, prestakuntza saio horiek garatu ondoren eta Toolkit 2 izeneko baliabide multzoa garatuko da. Fase honetan, irakasleek aurrez barneratutako gaitasunez gai, beste batzuek ere bereganatuko dituzte eta berriak diren beste batzuk ere ikasiko dituzte.

Hirugarren fase honen ondoren, berriro ere gaitasunen garapena ebaluatuko zaie irakasleei eta ondorio batzuk aterako dira.

Prozesuan zehar lortzen diren emaitzak argitaratuko dira prestakuntza ekintza moduan eta hezkuntzako profesionalei, hezitzaileei eta hezkuntzako agintariei aurkeztuko zaizkie.

Hurrengo bilera Ankaran (Turkia) burutuko da urte honen azaroan, bitartean lanean jarraituko dute proiektuaren atal ezberdinak garatzen.

2023(e)ko ekainaren 13(a), asteartea

“In as in Inclusion” KA2 proiektuari buruzko prestakuntza saioa burutu da ikastetxean

Joan den ostegunean, ekainaren 8an, prestakuntza-saio bat egin zen Tolosaldea LHIIko irakasle eta langileentzako "IN as in INclusion" proiektuaren barruan, Greziako inklusioarekin lotutako legeriari eta jardunbide egokiei buruzkoa. Bertan, United Special Vocational Gymnasium eta Lyceum de Patras taldeetako gure bazkideek egindako lana erakutsi zen, LHko ikastetxeetan urritasuna duten ikasleen gaitasunen gizarteratzearen eta garapenaren esparruan. Gizarteratzeak lan-mundurako gaitasunak ematen ditu. Prestakuntza-ekintza honetan parte hartzen dutenei eskerrak eman nahi dizkiegu. Hezkuntzan inklusioa bultzatuz!

Ondoren prestakuntza saioko zenbait irudi:

2023(e)ko ekainaren 6(a), asteartea

Tolosaldea LHIIko irakasle talde bat, Brescia inguruko eskola eta enpresak ezagutzera joan dira

Maiatzaren 23an Tolosaldea LHIIko 6 irakaslek Italiako Brescia hirira bidaia abiatu ziren, bertan lau eguneko egonaldia egiteko, Erasmus + programaren barruan. Bertan TEMPO LIBERO Kooperatibaren laguntza izan zuten, hainbat enpresa eta ikastetxe ezagutzeko aukera izan zuten, haien praktika onak ezagutu eta gurera ekartzeko intentzioz.

Bresciako eta inguruko hiru enpresa ezagutzeko aukera izan zuten; bata automatizazioen alorrarekin erlazionatua (NORDA), bestea mekanizatuarekin (ARCOM) eta, hirugarrena soldadurarekin (INOXEA).

NORDA enpresan gure mekatronika ikasle Mikel topatu zuten, bere ERASMUS praktikaldiaren azken egunetan. Berak, eta enpresako Victorrek, enpresaren nondik norakoa eta sortzen dituzten autamatizazioak ikusi eta ulertzeko aukera izan zuten.

ARCOM familia kutsuko enpresa txikia da, Cesareren harrerak inguruko enpresa errealitatea ezagutzeko aukera eman zien irakasleei. Bertan, eskolako formakuntza eta lantokiko errealitatearen arteko loturaren garrantziaz aritu ziren, haiek ikasleen formakuntzan faltan somatzen zituztenak jakinarazi zizkieten.

INOXEA ere, Brescian bertan dagoen altzairu erdoilgaitza lantzen duen enpresa da. Galdaragintza eta soldadurako irakasleek gusto handiz ikusi zuten bertan lan egiteko modua. Mekanizazioa ere lantzen da INOXEAn, maila txikiagoan baina teknologia aurreratuarekin. Hortaz guztiaz gain, enpresako jabeak, Ceciliak, euren alabak enpresako alltzairu retalekin abiatutako proiektuaren berri eman zigun, INOXEart. Altzairu erdoilgaitzaren lanketatik sortzen diren erretalekin eguneroko kontsumorako diseinuzko erabilgarriak sortzen dituzte.

Ezagutu zuten azken lantokia, FORZA e COSTANZAk kudeatutako kirol-eremua izan zen. Haien kirol-eremua ezagutzeko aukera izateaz gain, euren lan egiteko modua ere ezagutu zuten. Lan fisiko funtzionaleko saioak gidatzeko aretoak atentzioa eman zielarik. Lan berezi bezain interesgarria burutzen bait dute.

2023(e)ko ekainaren 1(a), osteguna

InnoVET nazioartekotze proiektuko Teacher’s Academy Finlandian

Dagoeneko ezaguna zaigun Suitzako gobernuak bultzatutako InnoVET proiektuak barne biltzen duen bilkura-saio desberdinetako bat ospatu da maiatzaren 15-17 tartean. InnoVET proiektu honek berrikuntza eta nazioartekotzea du jo-mugan.

Tolosaldea LHII-koak, Armeria Eskola LHII-koak eta Usurbilgo Lanbide Eskolakoak TKNIKA-ren eskutik bertan izan gara beste hainbat lurraldeetako ikastetxeetako ordezkariekin batera: Suitza, Alemania, Danimarka, Herbehereak, Finlandia, Erresuma Batua, Belgika eta Kanariar Uharteak.

Teacher’s Academy-ko kideak

Finlandiako Careeria eskolak gidatutako Teacher’s Academy-ko programa oparoa izan da. Hala nola, bertako lanbide-heziketan nazioarteko testuinguru batean jorratzen dituzten proiektuak eta Careeria osatzen duten ikastetxeen instalakuntzak ezagutzeko aukera izan dugu bertaratutakook. Jasangarritasunaren inguruko saioak izan dira nagusi.