Turkian “In as in Inclusion” KA2 proiektuko 2. bileran parte hartu dugu

Turkiako Balikesir hirian dagoen Adnan Menderes Anadolu Lisesi ikastetxearen eskutik, burutu dugu beste 5 herrialdeetako ikastexe eta erakundeekin batera “In Partership for Promoting Successful Inclusion from a European Perspective” KA201 proiektuko 2. Prestakuntzarako bilera. 

  

Proiektuan parte hartzen duten irakasleen talde-argazkia

   

Balikesirreko gure anfitrioiak harrera ezin hobea egin ziguten bertako dantzak aurkeztuz.

Bilera hau maiatzaren 9tik 14ra burutu da eta bertan inklusioarekin lotutako hainbat praktika onak aztertu ditugu. Adnan Menderes ikastetxeak, urrun dauden nekazaritza inguruko eremuetan bizi diren nesken integrazioan lan egiten du batipat. Askotan familia txiroetatik datozen ikasleak dira eta beraien eskura jartzen dute heziketa eskaintzeaz gain, jangela eta logela zerbitzua dohainik. Modu honetan ikasleen familiek ez dute gainkarga ekonomikorik jasan behar beraien haurren hezkuntzagatik.

       

 

Inklusioaren inguruan, Turkiako eremu honetan burutzen diren praktika onak erakutsi zizkiguten. Beraien hezkuntza sistema ere ezagutzeko gai izan ginen. Ikasle ezberdinen inklusiorako erabiltzen dituzten teknikak, ELBOW, Peer Support Training, Craftwomen market (eskulanak egiten dituzten emakumeak bere bizimodua aurrera ateratzeko), neskentzako lotokia ikastetxean, karta terapeutikoak etab.

Talde lanean aritu ginen, gure errealitatera aplikatu daitekeen eta eraginkorrena izan zitekeen  teknika aurkitzeko.

Adnan Menderes Ikastetxeko neskentzako lotokiaren instalakuntzak bisitatu genituen.

Emakume artisauen Bazarra ere ezagutzeko aukera izan genuen, emakumeen lana sustatzeko eta beraien independentzia ekonomikoa sustatzea helburu duena.

                                                           

Ondoren, Hasan Şildak  Balikesir probintziako gobernadorea, Metin Arslan, Balikesir probintziako Karesi eremuko gobernadorea eta Ali Tatli, Balıkesir-eko Hezkuntza Zuzendaria, bisitatu genituen beraien egoitza ofizialetan. Gure proiektuaren berri eman genien eta beraien feedback-a ere jaso genuen.

Balikesirreko Unibertsitatean izan ginen, inklusioari buruz eskaintzen duten prestakuntzari buruz azalpenak jasotzeko.

Karten bidezko terapia, jarrera desegokiak eta estresa saihesteko teknika ezagutu genuen, mandala.

Gazteek egiten dituzten eskulanak ere praktikan jartzeko aukera izan genuen.

Hezkuntza premia bereziak dituzten haurren emanaldia ikusi genuen,  desgaitasunak dituzten pertsonen astean barruan. Balikesir erdian antolatutako ekitaldian.

Hitzaldi eta aurkezpen ezberdinak jaso genituen proiektuko bazkideengatik:

IEP (Individualized Education Program) lan-taldeei buruzko aurkezpena. Adnan Lisesi-ko teknikaren eskutik.

Prestakuntza ikastaroen planifikazioari buruzko  aurkepena SIPE-ko ordezkariaren aldetik

Erasmus+ programari buruzko azalpenak, “In Partnership for Promoting  Successful Inclusion from a European Pesperctive”  KA201 proiektuarekin lotuta. Portugaleko Erasmus+ Agentzia Nazionalaren ordezkariak eskainia.

Meeting-aren ebaluazioa burutu zer partaideen aldetik

Proiektuaren koordinatzaileen bilera ere burutu zen, bilera honetatik lortutako emaitza esanguratsuenak aztertzeko eta eman beharreko datozen urratsak aztertzeko.

Denbora honetan zehar herrialde eder honetako beste toki eder eta esanguratsuak ezagutzeko ere aukera izan dugu: Istanbul, Pergamo etab.

Istanbul

                                               

   

                  

   

                                                    

        

                                           

Pergamo:

Egeo Itsasoko kostako txokoak:

               

                                                                                                        

                                                                                

Gure esker ona adierazi nahi diegu talde anfitrioiari beraien lan bikainagatik eta bereziki bertako taldeko koordinatzailea den Mustafa Güneş-eri. Berdin proiektuko koordinatzaile den Portugaleko taldeari eta  bereziki bere buruari, António Goncalves-eri.

Datozen hilabeteetan proiektuarekin jarraituko dugu, Inklusioaren inguruan praktika onen ereduak jasoz eta prestakuntza plana prestatuz. Hurrengo bilera Portugalen burutuko dugu.

Proiektu honek Erasmus+ programaren diru laguntzak jasotzen ditu eta horri esker burutzeko aukera izaten ari gara.

   

"In as in INclusion" KA2 proiektuko kideak koordinazio bilera burutu dugu

  

"In as in INclusion" KA2 proiektuko 6 herrialdeetako kideok bilera online burutu dugu. Bertan, Turkian burutuko dugun datorren meeting-erako ekintza ezberdinak adostu ditugu. "2nd Learning, Teaching and Training Activities", bilera garatuko dugu aipatutako herrialdeko Balikesir hirian, Adnan Menderes High School, anfitrioi modura arituko den erakundea izango delarik.

Merkataritzako ikasleak egonaldia burutu dute Reunion Uhartean

 

Erasmus+ proiektu baten barruan merkataritzako ikasle talde batek bi asteko egonaldia egin du Reunion Uhartean ikasketak eta praktikak burutzeko. Proiektu hau, bertako Lycée La Vue Belle-ko bazkideekin, elkartrukeak gauzatzeko akordio baten baten baitan kokatzen da.

Frantziako lurraldea da Reunion eta Indiako Ozeanoan kokatuta dago, erlijio eta kultura desberdinak uztartzen dira bertan.

      

Lehenengo asteburua irla ezagutzeko aprobetxatu dugu. Grand Galet urjauzia, L´hermitageko merkatua…

       

Lehenengo astean Lycée Vue Belle ikastetxean eskolak jaso dituzte.Bertan, gure ikasleek eTwinning-en bidez, Reunionekoekin osatutako kanpainaren parte bezala, Euskal Herriko toki esanguratsu eta gure kulturari buruzko informazioa zabaldu dute. Oso interesgarria izan da kultura desberdinak elkar partekatzea.

Ikasleek, merkataritza jarduerekin erlazionatutako esanguratsuak diren esaldiak frantsesez landu dituzte.

                                                                    

      

Frantsesa eta gaztelera uztartuz, ikasleek elkar lagundu dute salerosketa ariketak egiteko eskolan duten dendan.

                                                                      

Merkataritza elektronikoa lantzeko, web orrialdeen diseinua garatzeko tresna ezberdinak landu dituzte.

                                                                  

Eskolako ikasleekin batera bisita kulturalak egin dira. Villèle museoa bisitatuz, Reunioneko esklabutzaren historiari buruz ikasi dugu.

  

Sukaldaritza tailerra izan dugu, samoussak nola sukaldatu erakutsi digute eta guk patata tortila. Ondoren elkarrekin bazkaldu dugu prestatutakoa dastatzeko.

     

                              

Asteburuari etekina atera diogu. Kiroletako arropak jarri eta Cilaoseko zirkua ezagutu dugu, baita Saint Denis hiriburua ere.

Bigarren astean praktikak egin dituzte Savannah merkatu gunean. Supermerkatuan, altzari-dendan, loradendan eta burdindegian egin dute lan gure ikasleek. Primerako lana egin dute eta nagusiak oso gustora egon dira beraiekin.

                                              

                          

                   

Reunioneko La Vue Belle-ko irakasleak Tolosaldeakoekin

Korrikarekin ere bat egin dugu. Reunionen ere euskararen alde! Ttipi-ttapa ttipi-ttapa Korrika!

Azkeneko asteburuan La Piton de la Fournaise sumendia ezagutzeko aukera izan dugu esperientzia bikain honi amaiera emateko.

                                                   

   

 

Fabrikazio gehigarrira bideratutako Erasmus+ mugikortasuna Suedian

 

Martxo amaieran Euskadiko Lanbide Heziketa ikastetxe ezberdinetako irakasle talde bat Suediara hurbildu gara (Tolosaldea LHIkoak tarteko), Tknikaren laguntzarekin, bertako Lanbide Heziketa sisteman eredugarri den Curt Nicolin Gymnasiet ezagutzera, eta AM “Aditive Manufacturing” teknologian maila eredugarrian diharduten zenbait bikaintasun zentro, konpainia edota entitate ezagutzeko asmoz.

Curt Nicolin Gymnasiet ikastetxearen heziketa eredua eta instalakuntzak ezagutzeaz gain, Linkoping University-ko ekipamendu eta adizio (gehigarri) teknologietan oinarritutako ikerketa aurreratuak azaldu zaizkigu

Linkoping Universityko tailerretan azalpenak jasoz

Bestalde, teknologia munduan oso ezagunak diren enpresen artean Siemens eta General Electric enpresak bisitatu dira, beraien adizio arloa erabat aitzindaria da aeronautikan metalez inprimatutako piezen homologazioaren lorpenean.

                                Euskal Herritik joandako irakasle taldea General Electric-eko instalakuntzetan

Curt Nicolin Gymnasieteko irakasle-ikasle taldearekin batera Siemens-eko atarian

Aurreko bisitetaz gain Suediako Saab enpresan metalen adizioa aeronautikan nola ezartzen duten ezagutzeko aukera izan genuen eta baita metalen teknologia gehigarrietan erreferentziazko zentroa den Amexci-ko instalakuntzak bisitatzeko ere.

               Amexcin, mundo mailako enpresa askoren adizio teknologietarako erreferentzia zentroa

Adizio teknologietarako hauts metalikoen trataeran eta langileen osasun zainketaren ikuspuntutik eredugarriak izan dira Suedian ikusitako enpresek jarraitzen dituzten segurtasun protokoloak

 

Esperientzia bikaina izan da, bai harremanak sendotze aldera, eta baita ere teknologia honetan hainbat eragile osatzen ari diren ibilbide bikainak ezagutzeko.