Iruñan izan gara Sepiek antolatutako Heziketako Erasmus+ KA131- 2025 mugikortasun jardunaldietan

Iruñako Baluarte Jauregian izan gara, Sepiek antolatutako Goi Mailako Hezkuntzako Erasmus+ mugikortasun jardunaldietan. Bertan, KA131 - 2025-eko deialdiari mugikortasun proiektuei buruzko azalpenak eman dituzte.

Carmonan (Sevilla) izan gara Sepiek antolatutako Heziketako Erasmus+ KA121 mugikortasun jardunaldietan

Carmonako (Sevilla) Teatro Cerezo aretoan Sepiek antolatutako, Lanbide Heziketako Erasmus+ mugikortasun jardunaldietan izan ginen. Bertan, KA121- VET eta KA122-VET 2025-ko deialdiko mugikortasun proiektuei buruzko informazioa eta berriak helarazi zizkiguten.   

Ekitaldian zehar hizlariak azalpenak eskaintzen

"If we don´t change, the world will change" KA2 proiektuaren baitan bilera burutu dugu Bursan (Turkia)

 

Irailaren 22tik 25era Turkiako Bursa hirian "If we don´t change, the world will change" KA2 proiektuaren baitan Tolosaldeako 5 ikasle eta 2 irakasle klima aldaketa nola gelditu dezakegun lantzen aritu dira. Kasu honetan, karbono aztarnaren inguruan aritu dira. Gure ikasleez gain, Bursako eta Essenko (Alemania) ikasleak parte hartu dute.

Lehen egunean, Bursa Fen Kolejin elkartu ziren. Parte hartzaileen izenak ikasteko ariketa eta metodologia batzuk egin ondoren, Bursako udaletxera joan ziren. Bertan, Bursako klima teknikariek Bursan karbono aztarna gutxitzeko egiten ari diren ekintzak aurkeztu zizkietan. Ondoren, Nilüfer probintziako klima agintariekin hitz egitera joan ziren. Eguna bukatzeko, ikasle eta irakasle turkiarrek prestatutako turkiar jaki tipikoen dastaketa izan zuten.

Asteartean, Lanbide Heziketa eskola bat bisitatu zuten, zehazki Ataturk Vocational High School. Bertan, ikasleek eguzki energiaz funtzionatzen zuen kotxe bat muntatu zuten. Gero, beste Lanbide Heziketa eskola bat bisitatu zuten, kasu honetan, Coşkunöz Vocational High Schoolren txanda izan zen. Bertan, lau alor desberdin dituzte eta denetatik pasa ziren. Lehenik, mekanika alorretik pasa ziren. Gero, elektronika alorretik. Ondoren, informatika alorraren txanda izan zen eta azkenik biomedikuntza atala ikusi zuten. Eskola honetan bertan, karbono aztarna gutxitzeko asmoarekin, ereinotzak landatu zituzten.

Hirugarren egunean, Bursa Fen Kolejin, Turkiako kultura, geografia, gastronomia… aurkeztu eta erakutsi zieten. Horretaz gain, dantza tipikoak egin zituzten. Goiz erdi aldera, Extrempark abentura parkera joan ziren eta bertan, atrakzioez gozatzeko aukera izan zuten. Eskolako lana bukatzeko, karbono aztarna zer den aztertu eta nola gutxitu daitekeen hausnartu zuten.  Eguna bukatzeko, ikasle eta irakasle guztiek afari formal bat izan zuten.

Azken egunean, Cumalıkızık eta Gölyazı Bursako gune turistikoak bisitatu zituzten. Ederrak benetan!

Hurrengo topaketa urtarrilean izango da eta irakasleak bakarrik elkartuko dira Hessen herrian. Azken topaketa berriz, Tolosan izango da apirilean eta bertan zaborraren afera tratatuko dute.

"If we don´t change, the world will change" KA2 proiektuko topaketa burutu dugu Essenen (Alemania)

 

Maiatzaren 20tik 25era Alemaniako Essen hirian bildu gara, "If we don´t change, the world will change" KA2 proiektuko topaketan. Bertan uraren kudeaketari buruzko jardunaldi ezberdinak burutu dira.

                                                     Irakasleak Bertha-von- Suttner-Realschule ikastetxean

Partehartzaileak irekiera ekitaldian

Topaketan honen helburua “No water no us” izenburupean urari buruzko lanketa egitea izan da Alemaniako Bertha-von- Suttner-Realschule eskolako eta Turkiako Bursa hiriko Bursa Fen Gurup Fen Lisesi eskoletako irakasle eta ikasleakin batera.

Ekintzen artean jarduera desberdinak egin dira. Horien artean, eskola barneko jarduerez gain, uraren kudeaketaren sektorean lan egiten duten enpresak bisitatu dira (Wassergewinnung Essen GmbH araztegia). Uraren inguruan prestatuta dagoen museoa (Aquarius Water Museum) ere. Gainera Essengo Unibertsitatea ezagutzeko aukera izan dute parte hartzaileek, Essengo ondare industrialeko ikur den Zeche Zollverein ikatztegia ere.

                                                                  Taldea Aquarius Water Museum-en

                                      Wassergewinnung Essen GmbH araztegian azalpenak jasotzen                                            

Proiektu honek hurrengo topaketa Turkiako Bursa hirian izango du hurrengo ikasturtean. Bertan "If we don´t change, the world will change" KA2 proiektuko hurrengo mugarria betetzeko jarduerak burutuko direlarik.

Wassergewinnung Essen GmbH araztegian

Gure ikastetxeko ikasle partehartzaileak

Taldea jasotako diplomekin

Proiektu hau Erasmus+ egitarauaren diru laguntzari esker burutu da. 

2024-2-DE03-KA210-SCH-000278171 proiektuaren baitan garatutako egitasmoa.

Herbehereetako Alfa Collegeko ikasleekin nazioarteko ikasle trukea.

 Aurtengo ikasturtea aurrera zijoala, Herbeheretara joateko aukera ireki zitzaigun. Ikaskide pilo baten interesa piztu zuen aukerak eta, hautaketa prozesuaren ondoren hiru izan ginen hautatuak.

Esperientzia oso aberasgarria izan da, herrialde, hizkuntza berri bat eta jende asko ezagutzeko aukera izan dugu eta.

Lehen eguna luzea izan zen, bidaia, Amsterdamera iristea eta bisita azkarra eta berriro ere Groningenerako bidaiak energia asko gastatu zigun eta.

Ongietorria bigarren egunean egin ziguten Alfa Collegeko Kiroletako egoitzan. Eskola oso handia da eta hainbat egoitza ditu. Aste osorako programaren azalpena, eskolako bisita eta kirol instalakuntzen ezagutzarako eguna izan zen.

                                                              Alfa Collegeko kiroletako kanpusa

Astearte eta asteazkenean Athletic Skills Model delakoaren inguruan ezagutza teorikoak eskuratu ahal izan genituen Jeffry Snijder irakaslearen eskutik eta aplikagarritasun praktikoak bizitzeko aukera izan genuen bai Alfa College-n bertan, baita beste eskola eta klubetan.

                                                          Ikasleak kirol jarduera ezberdinak burutzen

Proiektuan parte hartu duen ikasle taldea

Ostegunean Alfa Collegeren beste eraikinak bisitatu genituen. Eskola oso haundia da eta eskaintza oso aberatsa du. Gainera, Jasangarritasunaren inguruko hitzaldia eta bisita bat egin genuen. Garrantzi handiko gaia da bai eskola eta batia hiriarentzat eta egia da, gure alorretik kanpokoa izanik ere, horrelako gauzek ikuspegi zabal izaten laguntzen digutela.

Jobshadowing esperientzia Groningenen – Tolosaldea LHII eta Alfa College elkarrekin

 

Tolosaldea LHIIko kiroletako irakasle talde bat Groningenen (Herbehereak) izan gara  joan den maiatzean, jobshadowing jarduera batean parte hartzen, Alfa Collegeko lankideekin batera. Esperientzia aberasgarria eta inspiratzailea izan da, bai maila pertsonalean, bai profesionalean.

Hezkuntza ikuspegi berriak

Alfa College-n ikasleekin egunerokotasunean murgiltzeak euren metodologia eta proiektuak ezagutzeko aukera eman digu. Irakasleen eskutik praktika inspiratzaileak bizitzeko aukera izan genuen, gizartearekiko duten loturak gurean aplikagarritasuna izan dezakeela ulertuz.

Ebaluaketarako duten ikuspegia ezagutzea oso aberasgarria izan da; gizarteratzea, ikaslearen garapena eta ebaluaketa dira ikaskuntza prozesuaren oinarri.

 

Gizartean duten eragina

Gure egonaldirako Alfa College-k proposatutako programa jaso genuenetik konturatu ginen zenbaterainoko garrantzia duen ikasleak eta ikastetxea inguruarekin kontaktuan egoteak. Hainbat esperientzia izan genituen horren adibide gisa:

-          Ikastetxera astero bitan etortzen zen hirugarren adineko talde batekin ikasleek gidatzen zituzten egokitzapen fisikoko saioak ikusteko aukera izan genuen.

-          De Zijlen Tolbert zentruan ere izan ginen, bertan desgaitasun intelektuala duten pertsonekin lan egiten dute, baita maila fisikoan ere.

-          Kid´s United futbol taldea ere ezagutu genuen, non Groningen FC taldeko jokalari ohiek eta Alfa Collegeko hainbat ikaslek desgaitasun intelektuala duten haurren integrazio sozialerako futbola erabiltzen duten.

Etorkizuneko lankidetzarako lehen pausoa

Esperientzia honek harreman sendoak sortzeko aukera eman digu, eta ziur gaude etorkizunean lankidetza berriak sortuko direla bi ikastetxeen artean. Ideiaz beteta bueltatzen gara, gure ikasleentzako aukera berriak esploratzeko asmoz, gure eskolaren ikaskuntza eskaintza aberasteko.

Proiektu hau Erasmus+ egitarauaren diru laguntzari esker burutu da.

2023-1-ES01-KA131-HED-000123969  proiektuaren baitan garatutako egitasmoa.

Suediako esperientzia: LCAMP 2025 konferentzia Finspång-en

 Maiatzaren 13tik 15era, Suediako Finspång hirian izan ginen LCAMP 2025 Networking Camp konferentzian, Europa osoko lanbide heziketako profesionalekin batera. Curt Nicolin Gymnasiet zentroan egin zen topaketa, eta helburua argia zen: etorkizuneko lanbide heziketa eta industria aurreratua eskutik eramatea.

                                                            Tolosaldeatik joandako hiru lankideak

Hiru egunez, Europar batasuneko, Estatu Batuetako eta Kanadako 200 pertsonatik gora bertan izan ginen, hitzaldi, tailer eta bisita teknikoen bidez, Learning Factory kontzeptua gertutik ezagutzeko aukera izan genuen. Gaur egungo eta etorkizuneko erronkei nola aurre egin aztertu genuen, betiere VET (Vocational Education and Training) sistemaren barruan kokatuta.

Konferentzian zehar, hainbat esperientzia interesgarri ezagutu genituen:

• Siemens Energy eta KL Industri AB bezalako enpresetan barrena ibilaldiak egin genituen.

• Learning Factory baten funtzionamendua zuzenean ikusi genuen.

• “Skill Finder”, “Self-assessment Tool” eta beste hainbat tresna digital berritzaile aurkeztu zizkiguten.

                                                   Gure Smart Colaborative Learning Factory 

                                                   (SCLF)-aren inguruko azalpenak ematen

Gainera, beste herrialdeetako irakasle eta koordinatzaileekin harremanak estutzeko aukera izan genuen, eta gure ikastetxearen jarduna partekatu genuen. Bertan ikusitakoarekin, ideiak ekarri ditugu gurera, ikasgelan aplikatzeko asmoz.

Ez zen guztia lanarekin lotutakoa izan: egunerokoan, Suediako bizimodua eta ohiturak ezagutzeko aukera izan genuen, eta talde giro ezin hobean bizi izan genuen esperientzia.

 Topaketan parte hartu genuen taldeko argazkia 

                                           

Esperientzia aberasgarria izan da oso, eta etorkizunera begira, gure lanbide heziketako eredua berritzen lagunduko digu dudarik gabe.

Informazio gehiago www.lcamp.eu eta https://lcamp.eu/2025/05/15/lcamp-2025-conference-empowers-vocational-educators-to-shape-the-future-of-advanced-manufacturing/

ako hezkuntza-sistemaren funtzionamendua eta lanbide heziketaren antolaketa gertutik ezagutzeko aukera izan 

Alemaniako eta Frantziako LH zentroen ordezkariak gurean

 2025eko apirilean, bi herrialdetako Lanbide Heziketako zentrotako hiru ordezkarien bisita jaso dugu gurean. Ordezkariak Alemaniako ipar-mendebaldeko BBS Jever eta BBS Wilhelmshaven Lanbide Heziketako zentroetatik, eta Frantziako Lycée La Découverte zentrotik (Decazeville herrikoa) etorri dira.

Zentro horietako ordezkariek aukera izan dute gure ikastetxeko instalazioak eta prestakuntza eskaintza ezagutzeko. Bileran, irakaskuntza zentro ezberdinen arteko lankidetza sendotzea adostu da.

Irakasle bisitariak Tolosaldea LHII-n

Mugan Gaindiko Lankidetza: VET Skills Competition 2025

 

2025eko martxoaren bukaeran, VET Skills Competition ekimena jarri genuen martxan Tolosaldea, Donostiako Zubiri-Manteo eta Herbehereetako Koning Willem ikastetxeekin elkarlanean. Euskal Herriko ikastetxe bakoitzetik 6 ikasle eta 2 irakaslek hartu zuten parte, eta horiei Herbehereetako 12 ikasle eta 3 irakasle gehitu zitzaizkien. Txapelketaren helburua Lego itxurako piezak 3D inprimagailuetan inprimatzea izan da. Horretarako, ikasleek Raspberry Pi-ak programatu eta piezak urrutitik inprimatzeko webgune bat sortu zuten.

Lehenik eta behin, Herbeheretako ikasleak gurera etorri ziren hiru egunez. Lehen eguna Zubiri-Manteon eman genuen, eta beste biak Tolosaldean. Donostiako zentroa bisitatzeaz gain, gure ikasleak eta herbeheretarrak talde heterogeneoetan banatu genituen, eta lanean hasi ginen. Egun horretan, Raspberry Pi-en oinarrizko konfigurazioa egitearekin amaitu genuen.

Proiektuko partehartzaileak Donostian

Bigarren eta hirugarren egunetan, Tolosaldean, 3D inprimagailuetan ordenagailuetatik bidalitako piezak inprimatzen hasi ginen. Zentroa erakutsi genien bai donostiarrei, bai herbeheretarrei.

Ikasleak proiektuan elkarlanean

Proiektuko partehartzaileak Tolosan

Hurrengo astean, apirileko lehen astean, gure txanda izan zen. Tolosaldeako aipatutako 6 ikasle eta 2 irakasle Herbehereetako 's-Hertogenbosch hirira joan ginen, Koning Willem I ikastetxearekin elkarlanean aritzeko. Donostian osatutako taldeak mantendu genituen, eta bi egunez web orria garatzen aritu ginen. Taldeek pozik eta gogobeteta adierazi zuten, Herbehereetatik Tolosaldean urrutitik pieza bat inprimatzea lortu zutenean.

                                                 
                                                     Ikasleak Koning Willem I ikastetxean elkarlanean

Euskal Herriko partehartzaileak Herbehereetan

Azken egunean, egindako lanaren aurkezpenak egin genituen, eta esfortzurik handiena egin zuen taldea saritua izan zen.

                                    

                                     Lantalde bateko partaideak aurkezpena egiten

                                
                                           Saritutako taldea, garaikurrak eskuetan

Ikasle eta irakasle guztiok oso pozik geratu ginen proiektuarekin eta izandako esperientzia aberasgarriarekin. Bai Tolosaldearen, bai Koning Willemen aldetik, errepikatzeko moduko esperientzia izan da.

Proiektu hau Erasmus+ egitarauaren diru laguntzari esker burutu da.

IKASLAN-en onuradun den 2024-1-ES01-KA121-VET-000225549 proiektuen baitan garatutako egitasmoa.

Jobshadowing esperientzia Groningenen – Tolosaldea LHII eta Alfa College elkarrekin

📍 Groninger, Herbehereak

📅 2025eko maiatza

Tolosaldea LHIIko Mekatronikako irakasle talde bat Groningenen (Herbehereak) izan gara  joan den maiatzean, jobshadowing jarduera batean parte hartzen, Alfa Collegeko lankideekin batera. Esperientzia aberasgarria eta inspiratzailea izan da, bai maila pertsonalean, bai profesionalean.

                                                             Irakasle partehartzaileak ikastetxean

 

Hezkuntza ikuspegi berriak

Alfa College-n ikasleekin batera klaseetan parte hartu dugu, eta proiektuetan oinarritutako lan-metodologia nola garatzen duten gertutik ikusi ahal izan dugu. Ikasleen autonomia, talde-lana eta irakasleen arteko koordinazioa oso nabarmenak dira, eta hausnarketarako bide ematen digute gure ikastetxerako ere.

Bestalde, ikasleen ebaluazioaren inguruko ikuspegi alternatiboak ezagutu ditugu: jarraipen pertsonalizatuagoa, feedback etengabea eta gaitasunen garapena oinarri hartuta.

Irakasleak praktika onak behatzen

Proiektuak eta industriarekin lotura

Egunotan, energia nodo bat bisitatzeko aukera izan dugu, baita ingeniaritza ikasleek fabrikazio adimendunaren inguruan garatzen ari diren proiektuaren aurkezpenaz gozatzekoa ere. Ikasleek beraiek gidatutako aurkezpenak eta erabilitako teknologia aurreratuak inspirazio-iturri izan dira.

                                                                 Ikasgelan azalpenak jasotzen

   

 

Etorkizuneko lankidetzarako lehen pausoa

Esperientzia honek harreman sendoak sortzeko aukera eman digu, eta ziur gaude etorkizunean lankidetza berriak sortuko direla bi ikastetxeen artean. Trukaketa hauek ikaskuntza aberasgarria eskaintzen dute bai irakasleontzat, bai ikasleentzat.

Eskerrik asko Alfa Collegeko lagunei harrera bikainagatik, partekatu duten ezagutzagatik eta eskainitako denboragatik. Itzulera poltsan ideiak, motibazioa eta ilusioa daramatzagu gure ikasleei eta lankideei transmititzeko.

#ErasmusPlus #Jobshadowing #Mekatronika #HezkuntzaBerrikuntza #TolosaldeaLHII #AlfaCollege #FabrikaAdimenduna #IkaskuntzaKooperatiboa #NazioartekoElkarlana

Proiektu hau Erasmus+ egitarauaren diru laguntzari esker burutu da.

2023-1-ES01-KA131-HED-000123969 proiektuaren baitan garatutako egitasmoa.

Herbehereetako Alfa Collegeko ikasleekin nazioarteko ikasle truke teknologikoa: esperientzia ahaztezina.

 

1. Fasea: Lehen kontaktuak eta prestaketa

Dena 2025eko apirilaren 9an hasi zen, bideokonferentzia baten bidez. Bertan, Alfa College-ko ikasleak eta irakasleak ezagutu genituen. Proiektuaren helburuak, egitekoak eta lanaren egitura azaldu zizkiguten. Microsoft Teams erabiliz egin genuen lehen harremana.

Ikasleak eta irakasleak bideokonferentzian

Ondoren, lantzeko genituen estazioen dokumentazio teknikoa jaso genuen. Honi esker, GRAFCET programazio-hizkuntzan trebatzeko aukera izan genuen, gure ikastetxean normalean erabiltzen ez dena.

2. Fasea: Elkartruke teknikoa

Maiatzaren 7tik 9ra bitartean, online prestaketa saioak egin genituen bi ikastetxeen artean. Alfa College-ko ikasleek GRAFCET nola erabiltzen duten azaldu ziguten, eta guk LADDER hizkuntza erakutsi genien, gero gure zentroan erabiliko zutena.

Saio hauek oso lagungarriak izan ziren aurrez aurreko topaketa errazteko.

3. Fasea: Gure bidaia Groningen-era (Maiatzak 12–16)

Maiatzaren 12an Groningen-era abiatu ginen. Hango ikasleek eta irakasleek oso harrera beroa egin ziguten. Bost egunetan zehar sei FESTO estazio programatu genituen GRAFCET erabiliz.

Programazioa diseinatu, estazio fisikoetan ezarri eta sistemak behar bezala funtzionatzen zutela ziurtatu genuen. Lan handia izan zen, baina emaitza ezin hobea lortu genuen.       

                

                                                          

                        

                                                        Bi ikastetxeetako ikasleak proiektua elkarrekin garatzen

       

4. Fasea: Alfa College gure ikastetxean (Ekainak 2–6)

Hiru aste geroago, Alfa College-ko ikasleak gure ikastetxera etorri ziren. Bertan, SMC estazio bat programatu zuten LADDER hizkuntza erabiliz, haientzat berria zena.

Gu izan ginen beraien gidari, zalantzak argituz eta lana errazten lagunduz. Oraingoan, bestearen lekuan egoteak ikuspegi berria eman zigun eta komunikazio teknikoan trebatzeko aukera.

                                    

                                        Alfa Collegeko ikasleak Tolosaldean elkarlanean

Ebaluazioa eta hausnarketa

Ekainaren 11n, online bilera bat egin genuen proiektuaren azken balorazioa egiteko. Bi aldeek balorazio oso positiboa egin genuen. Ez soilik lortutako emaitza teknikoengatik, baita talde-lana, egokitzeko gaitasuna eta kultura arteko komunikazioa hobetzeko balio izan zuelako.

Errepikatuko genuke?

Bai, dudarik gabe. Honelako ekimenek ikasle bezala eta pertsona bezala hazteko aukera ematen digute. Beste ikasleei ere gomendatuko genieke horrelako proiektuetan parte hartzea. Merezi du!

Proiektu hau Erasmus+ egitarauaren diru laguntzari esker burutu da.

2024-1-ES01-KA131-HED-000202939 proiektuaren baitan garatutako ekintza bat izan da.

Alemaniako Lanbide Heziketa ezagutzen eta lankidetza indartzen

 

Ekainaren bigarren astean, Tolosaldeako LHko ordezkaritza batek Alemaniako iparmendebaldera egin zuen ikasketa-bisita, BBS Jever eta BBS Wilhelmshaven ikastetxeekin lankidetzan. Mugikortasun honen bidez, Alemaniako hezkuntza-sistemaren funtzionamendua eta lanbide heziketaren antolaketa gertutik ezagutzeko aukera izan zuten.

 BBS Jever ikastetxeko instalakuntzak

                                                    BBS Wilhelmshaven ikastetxeko instalakuntzak

                                                   
                                                                              BBS Wilhelmshaven-en 

Helburu orokorrak: lan-eremuen azterketa eta metodologia trukea
Job-shadowing metodologiaren bidez, hainbat alor estrategikori erreparatu zitzaion:

• Alemaniako hezkuntza-sistema eta ikasleen ebaluazio-prozesuak.
• Enpresetan egiten diren ikasleen praktikak eta DUAL eredua.
• Ikasgelan erabiltzen diren metodologia didaktikoak.
• Ekintzailetza eta nazioarteko proiektuen kudeaketa.
• Irakasleen ordutegi eta lan-egutegiaren antolaketa.

Bisita eta jarduera esanguratsuak
Bisitan zehar hainbat jarduera burutu ziren, bai ikastetxeetan eta bai bertako enpresetan:

• Hase Safety Gloves enpresan (Jever), logistikako, bulego-kudeaketako eta handizkako merkataritzako lan-prozesuak ezagutzeko aukera izan zuten.
• Sande Stahlguss enpresan (Sande), metalgintzako eta mekanikako jarduerak gertutik aztertu zituzten.
• BBS Jever ikastetxean, instalazioak bisitatu eta ikastetxearen funtzionamendu orokorra ezagutu zuten.
• BBS Wilhelmshaven ikastetxean, beste hezkuntza-eredu eta metodologia batzuk ezagutzeko aukera izan zuten, bertako irakasle eta koordinatzaileekin lankidetza-esparru berriak aztertuz.

                                        

                                                                   Hase enpresan bisitan       

                                         

                                                              Sande Stahlguss enpresan

Esperientzia honek ikastetxeen arteko lankidetza sendotu du, eta bertatik jasotako praktika onak Tolosaldeako ikastetxearen egunerokoan txertatzeko aukera eskainiko du. Halaber, nazioartekotze-prozesua indartu eta Europako Batasunaren politiken, programen eta finantzaketa-aukeraren inguruko ezagutza handitu da.

Mugikortasun honek erakutsi du ikasketa-prozesuak aberastu egiten direla ikasgelatik harago doazen esperientzien bidez. Bidean ikasitakoa, horrela pentsatuz gero, gure ikastetxean aplikatzeko unea izango da.

Proiektu hau Erasmus+ egitarauaren diru laguntzari esker burutu da.

2023-1-ES01-KA131-HED-000123969 eta 2024-1-ES01-KA121-VET-000225549 proiektuen baitan garatutako egitasmoa.