DIGITECH KA2 proiektuko 2.TPM bilera Tolosaldea LHII-n burutu da

DIGITECH KA2 proiektuko 2. TPM bilera Tolosaldea LHII-n burutu da bi egunetan zehar, 2023ko maiatzaren 18an eta 19an hain zuzen ere. Proiektu honen helburua, irakasleen eta ikasleen gaitasun digitalak sustatzea da, jasangarritasunarekin erlazionatutako programak lantzeko. Proiektu honetan parte hartzen dute 4 herrialdeetako 5 erakunde ezberdinek. Herbehereetako bi erakunde: Stichting Technotrend  eta  Energy Challenges fundazioa, Alemaniako The European Institute for Innovation – Technology, Turkiako BOSEV fundazioa eta Euskal Herriko Tolosaldea LHII.

                                      

Aurrez ere beste bilera bat burutu zen Herbehereetan 2022ko irailean eta ondoren hilabetean behin, online bilerak garatzen dituzte bazkideek. Bide batez ikastetxeko instalazioak ezagutzeko ere aukera izan zuten.

                                       

Gai ugari landu eta planifikatu dira bertan:

Datozen hilabeteetan burutu beharreko ekintzak, sortu behar den plataforma, bertan irakasleak komunikatzeko eta gaitasun digitaletan eta jasangarritasunaren inguruan trebatzeko etab.

Sortzen ari diren plataforma

 

Lehenengo fase batean, irakasleok Covid-aren krisiaren garaian landutako gaitasun digitalak neurtu dira. Horrela, proiektuaren hasieran gaitasun hauek zenbaterainokoak ziren neurtu zen. Horretarako VET-TEDD izeneko autoebaluaziorako erreminta bat erabili zen, galdetegi batzuekin batera.

                                  

Orain, ebaluazio horren ondorioekin Toolkit-1 izeneko aplikazio eta baliabideak diseinatu, sortu eta jarri dira martxan plataforman, ondoren irakasleek bertan trebatu ahal izateko. Material hauek, gaitasun digitalekin eta jasangarritasunarekin lotura dute. Ondoren irakasleek, berain ikasleekin jasangarritasunarekin lotutako egitarauak edo ekintzak lantzeko erabiliko dituzte.

Prestakuntza saioak ere antolatuko dira irakasleei laguntzeko trebakuntza prozesu horretan. Aurrerago, beste ebaluazio bat egingo da, prestakuntza saio horiek garatu ondoren eta Toolkit 2 izeneko baliabide multzoa garatuko da. Fase honetan, irakasleek aurrez barneratutako gaitasunez gai, beste batzuek ere bereganatuko dituzte eta berriak diren beste batzuk ere ikasiko dituzte.

Hirugarren fase honen ondoren, berriro ere gaitasunen garapena ebaluatuko zaie irakasleei eta ondorio batzuk aterako dira.

Prozesuan zehar lortzen diren emaitzak argitaratuko dira prestakuntza ekintza moduan eta hezkuntzako profesionalei, hezitzaileei eta hezkuntzako agintariei aurkeztuko zaizkie.

Hurrengo bilera Ankaran (Turkia) burutuko da urte honen azaroan, bitartean lanean jarraituko dute proiektuaren atal ezberdinak garatzen.

“In as in Inclusion” KA2 proiektuari buruzko prestakuntza saioa burutu da ikastetxean

 Joan den ostegunean, ekainaren 8an, prestakuntza-saio bat egin zen Tolosaldea LHIIko irakasle eta langileentzako "IN as in INclusion" proiektuaren barruan, Greziako inklusioarekin lotutako legeriari eta jardunbide egokiei buruzkoa. Bertan, United Special Vocational Gymnasium eta Lyceum de Patras taldeetako gure bazkideek egindako lana erakutsi zen, LHko ikastetxeetan urritasuna duten ikasleen gaitasunen gizarteratzearen eta garapenaren esparruan. Gizarteratzeak lan-mundurako gaitasunak ematen ditu. Prestakuntza-ekintza honetan parte hartzen dutenei eskerrak eman nahi dizkiegu. Hezkuntzan inklusioa bultzatuz!

 

 Ondoren prestakuntza saioko zenbait irudi:

Tolosaldea LHIIko irakasle talde bat, Brescia inguruko eskola eta enpresak ezagutzera joan dira

 

Maiatzaren 23an Tolosaldea LHIIko 6 irakaslek Italiako Brescia hirira bidaia abiatu ziren, bertan lau eguneko egonaldia egiteko, Erasmus + programaren barruan. Bertan TEMPO LIBERO  Kooperatibaren laguntza izan zuten, hainbat enpresa eta ikastetxe ezagutzeko aukera izan zuten, haien praktika onak ezagutu eta gurera ekartzeko intentzioz.

 

Bresciako eta inguruko hiru enpresa ezagutzeko aukera izan zuten; bata automatizazioen alorrarekin erlazionatua (NORDA), bestea mekanizatuarekin (ARCOM) eta, hirugarrena soldadurarekin (INOXEA).

NORDA enpresan gure mekatronika ikasle Mikel topatu zuten, bere ERASMUS praktikaldiaren azken egunetan. Berak, eta enpresako Victorrek, enpresaren nondik norakoa eta sortzen dituzten autamatizazioak ikusi eta ulertzeko aukera izan zuten.

ARCOM familia kutsuko enpresa txikia da, Cesareren harrerak inguruko enpresa errealitatea ezagutzeko aukera eman zien irakasleei. Bertan, eskolako formakuntza eta lantokiko errealitatearen arteko loturaren garrantziaz aritu ziren, haiek ikasleen formakuntzan faltan somatzen zituztenak jakinarazi zizkieten.

INOXEA ere, Brescian bertan dagoen altzairu erdoilgaitza lantzen duen enpresa da. Galdaragintza eta soldadurako irakasleek gusto handiz ikusi zuten bertan lan egiteko modua. Mekanizazioa ere lantzen da INOXEAn, maila txikiagoan baina teknologia aurreratuarekin. Hortaz guztiaz gain, enpresako jabeak, Ceciliak, euren alabak enpresako alltzairu retalekin abiatutako proiektuaren berri eman zigun, INOXEart. Altzairu erdoilgaitzaren lanketatik sortzen diren erretalekin eguneroko kontsumorako diseinuzko erabilgarriak sortzen dituzte.

Ezagutu zuten azken lantokia, FORZA e COSTANZAk kudeatutako kirol-eremua izan zen. Haien kirol-eremua ezagutzeko aukera izateaz gain, euren lan egiteko modua ere ezagutu zuten. Lan fisiko funtzionaleko saioak gidatzeko aretoak atentzioa eman zielarik. Lan berezi bezain interesgarria burutzen bait dute.

Proiektu hau Erasmus+ egitarauaren diru laguntzari esker burutu da.

2020-1-ES01-KA103-080111 eta 2020-1-ES01-KA102-080538 proiektuen baitan garatutako ekintza izan da.

InnoVET nazioartekotze proiektuko Teacher’s Academy Finlandian

 

Dagoeneko ezaguna zaigun Suitzako gobernuak bultzatutako InnoVET proiektuak barne biltzen duen bilkura-saio desberdinetako bat ospatu da maiatzaren 15-17 tartean. InnoVET proiektu honek berrikuntza eta nazioartekotzea du jo-mugan.

Tolosaldea LHII-koak, Armeria Eskola LHII-koak eta Usurbilgo Lanbide Eskolakoak TKNIKA-ren eskutik bertan izan gara beste hainbat lurraldeetako ikastetxeetako ordezkariekin batera: Suitza, Alemania, Danimarka, Herbehereak, Finlandia, Erresuma Batua, Belgika eta Kanariar Uharteak.

Teacher’s Academy-ko kideak

Finlandiako Careeria eskolak gidatutako Teacher’s Academy-ko programa oparoa izan da. Hala nola, bertako lanbide-heziketan nazioarteko testuinguru batean jorratzen dituzten proiektuak eta Careeria osatzen duten ikastetxeen instalakuntzak ezagutzeko aukera izan dugu bertaratutakook. Jasangarritasunaren inguruko saioak izan dira nagusi.

                                                Tolosaldeako, Armeriako eta Usurbilgo ordezkariak

Finlandiako hezkuntza sistemaren grafika bat

                                            Careeriako ikasleak eskola erakusten eta azalpenak ematen

                                                                      Careeriako instalakuntzak

                               Jasangarritasuna jorratzen duten erakundeek beraien praktika onak azalduz

 

Teachers academy honetan parte hartu duten eskola guztiek, beraien praktika onak azaldu dituzte:

                                            Eta bozkaketa batean, gustokoena zein zen bozkatu zen:

                        Finalera sailkatu dira Usurbil eta Tolosaldea, Aarhus Tec garaile atera delarik

Tolosaldeako proposamena ikusgai:

Tolosaldeako proposamena

Informazio gehiago Tknikako txio honetan:

Tknika Twitter

Ikastetxeko irakasleak Irlandan izan dira Ikaskuntza Diseinu Unibertsalari (IDU) buruzko praktika onak behatzen.

 

Don Bosco LHII, Tolosaldea LHII eta Dislegiko kide batzuk Irlandan egon gara 2023ko Apirilaren 24etik 28ra. IDU (Ikaskuntzaren Diseinu Unibertsala) ikaskuntza-esparrua nola ezartzen duten beraien Lanbide Heziketan ikusten. Bi eskola bisitatu ditugu. Alde batetik, Sligo herrian kokatuta dagoen Atlantic Technological University eta bestetik, Kinsale herrian kokatuta dagoen Cork College of Further Education.

Atlantic Technological University-n,Ikaskuntzarako diseinu unibertsala irakasteko eta ikasteko esparru bat dela azaldu ziguten bertako irakasle talde batek, eta Atlantik Unibertsitate Teknologikoan barneratzeko grina dutela azaldu ziguten.

Beraien helburu nagusia ,ikasle guztien ikaskuntza-behar bereziak bermatzea da  ikaskuntza prozesuan, beti aldatzen ari den mundu batean.

Beraien curriculumetan malgutasunak txertatzeak  ikaskuntza guztiontzat inklusiboagoa eta ulergarriagoa izatea bermatuko duela diote.

 

Irakasle bakoitzak bere ikasgaietan IDU-a kontuan hartuta egin dituzten aldaketak azaldu zizkiguten eta esan zigutenez, ATU Sligo barruan dagoen irakaskuntza eta ikaskuntza zentroak diseinu unibertsal guztia bultzatu du orain arte ikastetxe barruko ikaskuntza ekimenetarako.

Cork College of Further Education, hezkuntzaren eta prestakuntzaren motorra da Corken, eta kalitate handiko zerbitzuak eskaintzen ditu, berritzaileak, arduratsuak eta inklusiboak. Cork-en bide bat dago ikasle bakoitzarentzat.

 

Kinsaleko Lanbide Heziketako eskola honetan, bertako irakasle taldeak  helburu nagusia irakasleei laguntzea dela azaldu ziguten, elkarlanaren bidez,  sistema inklusiboago bat diseinatzeko asmoarekin. Urtetik urtera desgaitasunen bat duten ikasleen kopurua gora egin duela azaldu ziguten.  Ondorioz, bertako irakaslee azaldu ziguten, bai praktikak eta bai jarrerak eboluzionatzen ari direla, eta desgaitasunak dituzten ikasleak barne hartzea guztion lana dela orain, ez bakarrik desgaitasuneko funtzionario baten lana.

 

 

Proiektu hau 2017ko irailean hasi zela azaldu ziguten, eta irakasleei lankideengandik ikastea erraztu diela esan ziguten , egiten ari direnari buruzko antzeko lanak egiten. Ezgaitasunen bat, osasun mentalean arazoak eta ikasteko zailtasun espezifikoak dituzten ikasleak kontuan hartu, eta praktika inklusiboak zabaltzea izan da bigarren hezkuntzako ikasgeletan hartu duten konpromezua.

 

Gainera, langileei aukera eman die beren praktika inklusibo berritzaileak partekatzeko, beste langileekin lankidetzan aritzeko eta elkarrengandik ikasteko.

 

Pilotu berritzaile hau 2017an jarri zen Irlandan eta 2018ko irailean martxan jarri zen.

Proiektu hau Erasmus+ egitarauaren diru laguntzari esker burutu da.

2020-1-ES01-KA103-080111 proiektuaren baitan garatutako ekintza

Reunion Uharteko (Frantzia) Merkataritzako ikasleak gurean izan dira elkartruke batean parte hartzen.

Reunion Uharteko Saint Paul hirian dagoen Lycée Des Métiers La Vue Belle-eko Merkataritzako 10 ikasle eta 2 irakasle leguntzaile Tolosan izan dira, 2 astez. Ikasleak bertako enpresetan lan praktikak garatu dituzte gure ikastetxeko ikasleekin batera.

                                          

                                      Reunion Uharteko eta Tolosaldea LHII-ko ikasle eta irakasleak

Ikasleak, Merkataritzako espezialitatekoak dira eta Tolosako eta Ibarrako establezimenduetan burutu dituzte beraien praktikak.

                                        Bi ikastetxeetako ikasleak elkarrekin lan praktikak burutzen

Ekintza eta irteera kulturalak egiteko aukera ere izan dute, herri kirolak praktikan jarriz eta gure herrialdeko jomuga interesgarriak bisitatuz. 

Bi herrialdeetako partehartzaileak herri kiroletan lehiatzen.

Kultur-trukea egiteko, bi ikastetxetako ikasleek, bere herriko plater ezagunak prestatu zizkiguten, Alegiako elkarte batean.

                                         

                                     

                                                         

Aurrez, joan den martxoan, gure ikastetxeko ikasleak, Reunion Uhartean izan ziren gelako jarduerak burutzen eta bertako enpresetan lan praktikak burutzen.

Elkartrukea oso aberasgarria izan da eta parte hartzaileak oso gustura egon direla adierazi dute. Hori dela eta, aurrera begira elkarlanean jarraitzeko borondatea adierazi dute bi ikastetxeetako ordezkariek. Elkartruke proiektu hau, ERASMUS+ programako diru laguntzei esker burutu da.