Hazparneko San Josepe Lizeoko ikasleekin elkar trukaketa burutu dugu

Lapurdin kokatzen den Hazparne herriko San Josepe Lizeoko 11 ikasle eta 2 irakasle gurean izan dira, 5 egunez, urriaren 16tik 20ra. Egitasmo honen helburua bi herrialdeetako ikasle eta hezkuntza komunitateak harremanetan jartzea eta elkar hobeto ezagutzea izan da, nagusiki. Aldi berean, hainbat prestakuntza tekniko eta aisialdikoak elkarrekin lantzeko eta partekatzeko aukera ere izan da.

Mekanikako erdi mailako bigarren ikasturteko ikasleekin egon dira eta beraien eskutik landu dituzte artezketa, 3D inprimagailuak, elektrohigadura, 3D diseinua eta materialen tratamendu termikoak.

Soldadurako irakasleekin, berriz, piezak eta multzoak diseinatu eta soldatu dituzte. Egun batean, egonaldiko azkeneko egunean, Idiazabalen kokatuta dagoen AMPO enpresa ezagutzeko aukera izan zuten, eta Pasaian dagoen Albaola Itsas kultur faktoria bisitatu zuten ere.

Arratsaldeak ere aprobetxatu dituzte, aisialdirako eta irteera kulturalak egiteko: futbol eta pilota partiduak bi ikastetxeko ikasleen artean egun batean, Tolosako kaleetan zehar pintxoak dastatu beste batean eta, hirugarren egun batean, Donostiara bisita. Tolosako alkatearen harrera ekitaldia ere jaso zuten udaletxean.

Aurrera begira, gure ikastetxeko ikasleak Hazparnera joatea aurreikusten dugu hain aberatsa izan den elkar trukaketa honi jarraipena emateko. Egitasmo honek, mugaz bi aldetako komunitateen kolaborazioa sustatzen duen PyireneFP proiektuaren diru laguntzak jasotzen ditu.

Bideokonferentzia bi ikastetxeen artean

3D-an diseinatzen

3D inprimagailuan

Labearekin

Kirol jarduerak

Kirol jarduerak

Kirol jardueretako partaideak

Galdaragaintzako tailerrean

Galdaragintzako tailerrean

Tolosako udalean harrera

Tolosako udalean harrera

Tolosako udalean harrera

Idiazabalgo AMPO enpresan

Denok ikastetxean

Urgull mendian Donostian

Haizeen Orrazian Donostian

Pasaian txalupan

                                     

Albaolan Pasaian

Albaolan Pasaian

Pasaian

Euroeskualdeko Lanbide Heziketak bigarren bilera egin du Baionan

Akitania-Euskadi-Nafarroa Euroeskualdearen barruan Mugaz Haraindiko Jardunaldia garatu da  Baionan, Chambre de Métiers 64, LHko zentroan.

Bertan gure ikastetxeko bi irakasleek parte hartu dute.

Ekimen hau, lanbide heziketako zentroen, enpresen, elkarte profesionalen,
enplegu-bulegoen, teknologia-zentroen eta erakundeen arteko sinergiak sortzeko eta

Lanbide Heziketako zentroen eredua aldatzeko kudeaketari buruzko baterako gogoeta

egiteko beharraren ondorioz sortu ziren.

Jardunaldi honen hasieran Nafarroan ekainean egindako lana aurkeztu dute, eta gai nagusia

"Mugaz gaindiko Jardueren Komunitate bat eraikitzearen" ingurukoa izan da.

Lan-talde hauek antolatu dira:

G1 Enpresekiko harremanak

G2 Zentroetako berrikuntzaren eta zuzendaritzen kudeaketa

G3 Lanbide Heziketa duala

G4 Berrikuntza metodologikoa

G5 Zentroen nazioartekotzea

Talde horien buruak hiru eskualdeetako adituak izan dira.
Lan taldeen ondorioak azaldu dira eta ondoren nahi zuenarentzat, aukerako bisita antolatu da.
CMA64, Chambre de Métiers 64, LHko zentruko instalazioetara.
Aurrerantzean elkarlanerako foro honekin urrats gehigarriak emango dira.

 

Irakasle talde bat Italiako Fabrianon herrian praktika onak ezagutzen izan gara

TOLOSALDEA LHIIko 5 irakasle Italiako Fabriano herrian egon gara 2017ko maiatzaren 7tik 13ra, bertako hainbat enpresa eta ikastetxe ezagutzen, Erasmus+ proiektuaren baitan.
Fabriano, Erroma eta Florentzia artean dagoen 30.000 biztanleko herri bat da eta azpimarratu paperaren eta filigranaren herri bezala ezaguna dela, bai Italian bai mundu osoan ere, papera egiteko izan duen tradiziogatik. Industriak ere pisu handia izan du betidanik.
ARISTON THERMO SPAk dituen bi enpresa bisitatu ditugu lehenengo. GENGAko planta, non maila ertain eta handiko ur berogailuak egiten dituzten, 50,80 eta 100 litrokoak. CERRETOko planta, non ur berogailu txikiak egiten dituzten, 10,15 eta 30 litrokoak. 

 

Ariston Thermo Spa-k Gengan duen lantegian azalpenak jasotzen

Enpresa hauetan gure ikastetxeko Urko Gomez  eta Xabier Garcia Ariñok lan praktikak egiten ari direnez bere jarduera ikuskatzeko aukera izan dugu.

 

Fabrianon lan praktikak burutzen ari diren gure ikastetxeko ikasleekin

FABER SPAk Sassoferraton duen enpresa bisitatzeko aukera ere izan dugu, enpresa honetan ke-erauzgailuak edo mepansak egiten dituzte mundu guztirako, SIEMENS eta IKEArentzako adibidez. Enpresa honetan ere gure ikastetxeko Bertol ari da praktikak egiten.

 

Sassoferraton dagoen Faber Spa lantegian

Fabrianoko METALDESI (eraikuntza metalikoak) eta QS GROUP industriak automatizatzeko sistemak enpresak ere bisitatu ditugu. Esan beharra dago automatizatutako eta robotizatutako lerroak, mekanizazio eta kalitate sistema aurreratuak ikusteko aukera izan dugula.

IIS Merloni-Miliani lanbide heziketako eskolara ere bisita egin dugu, Italiako hezkuntza sistema ezagutu eta eskolako instalazioak ikusi ditugularik. Ikastetxe honek bi motatako ikasketak eskeintzen ditu, bi eraikuntza desberdinetan, ikasketa teknikoak ITIS Merloni institutuan, 346 ikasle eta 69 irakasle dituelarik eta lanbide ikasketak IPSIA Miliani institutuan, 221 ikasle eta 38 irakasle dituelarik. Ikasketa teknikoetan, Informatika eta telekomunikazioak, Kimika, Arte Grafikoak eta Mekanika-Mekatronika espezialitateak. Lanbide ikasketetan, Mantentze-laguntza teknikoa (2 kualifikazio desberdin operadore elektronikoa eta operadore mekanikoa)  eta Jantzigintza espezialitateak.

Italian  bigarren hezkuntza  bi zatitan dago banatua, 1. Maila 14 urtekin bukatzen dute eta 2. Maila 15 urtekin hasi, adin honekin 3 aukera desberdin dituzte Lizeoak, Institutu teknikoak edo Lanbide Heziketa Institutuak.

 

Italiako hezkuntza sistemaren eskema 

Ikasketa Tekniko zein Lanbide Heziketakoetan, prestakuntza praktikoa eta teorikoa konbinatzen dituzte.  5 urteko iraupena dute, lehenengo 2 urteak oso teorikoak dira eta hurrengo 3 urteetan alderdi praktikoa gehiago lantzen da. 3 bat hilabeteko lan praktikak egin behar izaten dituzte azken bi urteetan. Ikasketa hauek Unibertsitate edo Goi Mailako ikasketak egiteko aukera ematen dute.

Bai Institutu Tekniko zein Lanbide Heziketako Institutuetan 32 orduko lan astea dute

Ikastetxe eta enpresen arteko elkarlan gutxi dagoela sumatu dugu, ez dute elkarren arteko ezagupen handirik. Institutu Teknikoetako ikasleak lan praktikak egitea beharrezkoak badituzte ere, ikaslea bera da enpresa bilatu behar duena eta opor garaia baliatu behar du zeregin horretarako.