Reunion Uharteko (Frantzia) Merkataritzako ikasleak gurean izan dira elkartruke batean parte hartzen.

Reunion Uharteko Saint Paul hirian dagoen Lycée Des Métiers La Vue Belle-eko Merkataritzako 10 ikasle eta 2 irakasle leguntzaile Tolosan izan dira, 2 astez. Ikasleak bertako enpresetan lan praktikak garatu dituzte gure ikastetxeko ikasleekin batera.

                                          

                                      Reunion Uharteko eta Tolosaldea LHII-ko ikasle eta irakasleak

Ikasleak, Merkataritzako espezialitatekoak dira eta Tolosako eta Ibarrako establezimenduetan burutu dituzte beraien praktikak.

                                        Bi ikastetxeetako ikasleak elkarrekin lan praktikak burutzen

Ekintza eta irteera kulturalak egiteko aukera ere izan dute, herri kirolak praktikan jarriz eta gure herrialdeko jomuga interesgarriak bisitatuz. 

Bi herrialdeetako partehartzaileak herri kiroletan lehiatzen.

Kultur-trukea egiteko, bi ikastetxetako ikasleek, bere herriko plater ezagunak prestatu zizkiguten, Alegiako elkarte batean.

                                         

                                     

                                                         

Aurrez, joan den martxoan, gure ikastetxeko ikasleak, Reunion Uhartean izan ziren gelako jarduerak burutzen eta bertako enpresetan lan praktikak burutzen.

Elkartrukea oso aberasgarria izan da eta parte hartzaileak oso gustura egon direla adierazi dute. Hori dela eta, aurrera begira elkarlanean jarraitzeko borondatea adierazi dute bi ikastetxeetako ordezkariek. Elkartruke proiektu hau, ERASMUS+ programako diru laguntzei esker burutu da.

Finlandiako hezkuntza sistema eta metodologiak ezagutzen Erasmus+ mugikortasun programarekin

Erasmus+ mugikortasun programaz baliatuta, martxoaren 29tik martxoaren 30era Tolosaldeako 5 irakasle Finlandiako Jyväskylä hirira joan dira bertako hezkuntza sistema eta metodologiak ezagutzeko asmoz. Taldea, alor ezberdinetako kideek osatu dute: 3 informatikari, mantentzeko bat eta administraritzako bat.

                                  

                                Mugikortasunean parte hartu duten irakasleak Jyväskylän

 Bertan, Gradia Educational Consortium ikastetxearen hainbat campus bisitatu dituzte, bertako irakasleekin bildu dira eta instalakuntzak ikusi dituzte. Horretaz gain, Finlandiako hezkuntza sistemaren nondik norako guztiak ezagutu dituzte eta EduFutura proiektua zertan datzan ikasi dute. Proiektu hau, unibertsitate eta lanbide heziketaren arteko zubi lanak egiten ditu, Jyväskylä Unibertsitateko ikasleen eta Gradia zentroko ikasleen arteko elkarlana sustatuz.

                                

                                           Gradia Jyväskylä College Ikastetxea

Bestetik, ikastetxe bereko tailer mekaniko batean egon dira. Bertan, ikasleek lana eta azterketak nola egiten dituzten ikusi dute. Aipatzeko da, zentro honetan azterketa guztiak era praktikoan egiten dituztela eta ikasle bakoitzak ibilbide pertsonalizatua duela bere ikasketei aurre egiteko. Baita ere, Gradiako psikologo, gizarte langile eta “campus coach” langileekin bildu dira, beraien rolen nondik norakoak ezagutzeko.

                                   

                                                Partehartzaileak azalpenak jasotzen

Azkenik, ostalaritza ikasketetan oinarritzen kanpus bat bisitatu dute. Zentro honetan, ikasleei nola ebaluatzen zaien azaldu diete. Gainera, enpresekin duten harremanari buruzko azalpena jaso dute eta behar berezi dun ikasleak nola tratatzen dituzten ikusi dute.

                                     

                               Partehartzaileak mahaia partekatzen bertako irakasleekin batera

 

Bisita oso aberasgarria izan da, Finlandiako hezkuntza ezagutzeko eta ideia berriak ezagutu ditugu. Errepikatzeko esperientzia!

Proiektu hau Erasmus+ egitarauaren diru laguntzari esker burutu da.

2020-1-ES01-KA103-080111 proiektuaren baitan garatutako ekintza.

Ikastetxeko ikasleak atzerriko herrialdeetan ari dira lan praktikak burutzen

 

Gure ikastetxeko ikasleak, atzerriko  herrialde ezberdinetan ari dira beraien lan praktikak burutzen Erasmus+ programaren baitan.

Ikasle taldea Pragan

Leire praktikak burutzen ari den enpresan Pragan

 Txekiar Errepublika, Alemania, Kroazia, Italia, Polonia eta Portugal dira aurtengoan jomugako herrialdeak.

Hiru hilabetez empresa ezberdinetan bi ikasturtetan zehar ikasi dituzten edukiak praktikan jartzeko balioko die esperientzia honek.

Ikasleak Osijek-en (Kroazia) bere enpresan

 Osijek-en dauden ikasleak

Denbora honetan beraien gaitasun profesionalak garatzeaz gain, hizkuntza trebetasunak eta gaitasun pertsonalak ere areagotuko dituzte.

Maiatzaren amaiera arte jomugako herrialdeetan izango dira, beraientzako hain aberasgarria izaten ari den esperientzi hau bizitzen.

Bide batez, Strojarska Tehnička Skola Osijek ikastetxeko eskaintza, nazioarteko proiektuak eta instalakuntzak ere ezagutzeko aukera izan genuen.

                                                  

                                                          Ikastetxeko instalazioak ezagutzen

Proiektu hau Erasmus+ egitarauaren diru laguntzari esker burutu da. 

2021-1-ES01-KA121-VET-000006179, 2022-1-ES01-KA121-VET-000058524, 2021-1-ES01-KA131-HED-000006162, 2020-1-ES01-KA103-080111  eta 2020-1-ES01-KA102-080538 proiektuen baitan garatutako ekintza izan da.

 

Eslovenian “In as in INclusion” KA2 proiektuko 5. bileran parte hartu dugu

 Esloveniako Novo Mesto hirian dagoen Ekonomska šola Novo Mesto ikastetxearen eskutik, burutu dugu beste 5 herrialdeetako ikastetxe eta erakundeekin batera “In Partnership for promoting Succesful Inclusion from a European Perspective” KA201 proiektuko 5. prestakuntzarako bilera.

Meeting honetan helburu nagusia, gutxiengoen eta errefuxiatuen inklusioarekin egiten diren praktika onetaz ikastea izan da. Horretarako, hainbat ekintza burutu ditugu jomuga honetan 4 egunez.

Ikastetxetik 6 irakasle izan dira bertan, guztira 25 irakasle baino gehiok hartu dute parte egitarau honetako ekintzetan.

Novo Mesto

                                                                           Partehartzaileak

                                                           Tolosaldea LHII-ko taldea

2023-01-17 Lehen eguna.

Lehen egunean, proiektuko partaideei ongi etorria egin zieten. Ikasleek ere emanaldia eskaini zuten.

Ondoren Eslovenian inklusioa nola lantzen den azaldu zuten bertako ikastetxeko partaideek.

Bertan, inklusioa lantzen zuten instituzio eta erakunde ezberdinak aipatu ziren eta inklusioarekin lotuta legediari buruzko azalpenak ere eman ziren

Erakunde horietako batzuk bisitatzeko aukera izan zen. Horrela, heziketa bereziko ikastetxe bat bisitatzera joan ziren. Bertan, desgaitasun maila ezberdinetako ikasleentzat heziketa eskaintzen dute.

                                                    Ikasgelan ikasleekin jarduerak burutzen

 Ikastetxe honetan, ikasleen behar bereziei aurre egiteko baliabide ezberdinak dituzte, horien artean goiko irudian agertzen den zentzumenen gela.

Play Attention aplikazioaren erabileraren aurkezpena. Arreta faltaren nahasteak dituzten ikasleekin erabilgarria da.

 

Partaideek, Ekonomska šola Novo Mesto ikastetxean inklusioan inguruan egiten dituzten praktika onak ezagutzeko aukera izan zuten.

Etorkinentzako Esloveniar hizkuntza ikastaroak. Gehienbat Kosovo, Bosnia eta inguruko herrialdeetatik etortzen dira etorkinak. Hizkuntza ikastaroak oso tresna garrantzitsuak dira inklusioan laguntzeko.

Jatorri ezberdinetako ikasleek beraien artean elkar ezagutzen eta partekatzen dituzte esperientziak, beraien inklusioan laguntzeko. Horretarako “In the flock with others” bezalako programak dituzte martxan.

Eguna bukatzeko, Novo Mesto herria ezagutu zuten bertako irakasleen eskutik eta Petra Nograšek-en eskutik KCJT zentroan, bertako dantza eta folklorearen erakustaldi bat ikusteko aukera izan zuten.

Egunaren amaieran beraren ebaluazioa eta ondorioak atera ziren

2. EGUNA 2023-01-18

Egun honetan Sotirov-era bidaiatu zuten.

Bertan nazioarteko tailer bat garatu zuten: Pedagogian sarrera

Bertan jarrera arazoak dituzten haur eta gazteen inklusio praktika onak

 ezagutzeko.

 Haurrekin, lan egiten dute.  Europan herrialde ezberdinek arazo mota

 antzekoei egin behar diete aurre hezkuntzaren eta pedagogiaren inguruan.

Beharrezkoa da garai bateko ikuspegiak egokitzea.

Partehartzaileak jarduera burutzen

                                                                     Egindako eskulanak

                                                                  

                                                                    Irakasle lan-taldea

Sotirov utzita berriro Novo Mestora inguratu ziren. Bertan DRPD - Association for Developing Voluntary Work Novo Mesto –gobernuz kanpoko erakundea ezagutu zuten. Hemen, bolondresek etorkinekin egiten dituzten jarduerak ezagutu zituzten, eskulanak, musika etab. Helburua, pertsona hauen integrazioa harrerako lurraldean.  www.nevladnik.info/si

3. Eguna 2023-01-19 

Egun honetan Ljubljanara bidaiatu zuten eta ZRC SAZU erakundean (The Research Center of the Slovenian Academy of Sciences and Arts) Eslovenian ematen den immigrazioari buruzko estatistikak eta ikerketak aurkeztu zituzten.

Ondoren, Slovenska Filantropija, boluntariotza sustatzeko elkartea ezagutzeko aukera izan zuten. Bertan bolondresak lan egiten dute errefuxiatu eta migratzaileen integrazioan.

Ljubljana ezagutzeko aukera ere izan zuen taldeak. Bazkaria Skuhna.sl jatetxean izan zen. Atzerriko hainbat erakundeek osatzen dute elkarte hau. 

Taldearen argazkia Ljubljanan

4. Eguna 2023-01-20

 

Egun honetan ikastetxeen ezaugarriak aztertzeko aukera izan zuten. 

Haur hezkuntzako ikastetxe bat bisitatu zuten,  Vrtec Ciciban Novo Mesto, bertan, ordezkariak ikastetxearen ezaugarriak azaldu zituzten, horretaz gain, haurrak hainbat ekintza eskeini zizkieten bisitariei: kantu emanaldia, kirol-jokoak  etab.

Ondoren, anfitrioia den ikastetxera berriro itzuli eta bertan,  ikastetxean eskaintzen diren ikasketak, lantzen dituzten proiektuak eta bertako instalakuntzak ezagutzeko aukera izan zuten.

5. LTTA bilera hau arrakastatsua izan da. Gure esker ona adierazi nahi diegu antolatzaileei eta bertan parte hartu duten bazkide guztiei. Denon artean hezkuntza inklusiboago baterantz joateko helburuarekin jarraituko dugu lanean.

 

Hurrengo bilera, 6. LTTA, Euskal Herrian izango da, CIFP Tolosaldea LHII-n hain zuzen ere. Gure lurraldean burutzen diren praktika onak erakusteko gogotsu daude partaideak.

 

Digitech KA2 proiektuko jarraipen bilera burutu dugu

 Erasmus + programaren baitan, DIGITECH KA2 proiektuko jarraipen bilera burutu dugu gaur 4 herrialdeetako erakundeetako ordezkariak. Lehen eta bigarren hezkuntzako irakasleen gaitasun digitalak aztertzen ari gara une honetan.