Eslovenian “In as in INclusion” KA2 proiektuko 5. bileran parte hartu dugu

 Esloveniako Novo Mesto hirian dagoen Ekonomska šola Novo Mesto ikastetxearen eskutik, burutu dugu beste 5 herrialdeetako ikastetxe eta erakundeekin batera “In Partnership for promoting Succesful Inclusion from a European Perspective” KA201 proiektuko 5. prestakuntzarako bilera.

Meeting honetan helburu nagusia, gutxiengoen eta errefuxiatuen inklusioarekin egiten diren praktika onetaz ikastea izan da. Horretarako, hainbat ekintza burutu ditugu jomuga honetan 4 egunez.

Ikastetxetik 6 irakasle izan dira bertan, guztira 25 irakasle baino gehiok hartu dute parte egitarau honetako ekintzetan.

Novo Mesto

                                                                           Partehartzaileak

                                                           Tolosaldea LHII-ko taldea

2023-01-17 Lehen eguna.

Lehen egunean, proiektuko partaideei ongi etorria egin zieten. Ikasleek ere emanaldia eskaini zuten.

Ondoren Eslovenian inklusioa nola lantzen den azaldu zuten bertako ikastetxeko partaideek.

Bertan, inklusioa lantzen zuten instituzio eta erakunde ezberdinak aipatu ziren eta inklusioarekin lotuta legediari buruzko azalpenak ere eman ziren

Erakunde horietako batzuk bisitatzeko aukera izan zen. Horrela, heziketa bereziko ikastetxe bat bisitatzera joan ziren. Bertan, desgaitasun maila ezberdinetako ikasleentzat heziketa eskaintzen dute.

                                                    Ikasgelan ikasleekin jarduerak burutzen

 Ikastetxe honetan, ikasleen behar bereziei aurre egiteko baliabide ezberdinak dituzte, horien artean goiko irudian agertzen den zentzumenen gela.

Play Attention aplikazioaren erabileraren aurkezpena. Arreta faltaren nahasteak dituzten ikasleekin erabilgarria da.

 

Partaideek, Ekonomska šola Novo Mesto ikastetxean inklusioan inguruan egiten dituzten praktika onak ezagutzeko aukera izan zuten.

Etorkinentzako Esloveniar hizkuntza ikastaroak. Gehienbat Kosovo, Bosnia eta inguruko herrialdeetatik etortzen dira etorkinak. Hizkuntza ikastaroak oso tresna garrantzitsuak dira inklusioan laguntzeko.

Jatorri ezberdinetako ikasleek beraien artean elkar ezagutzen eta partekatzen dituzte esperientziak, beraien inklusioan laguntzeko. Horretarako “In the flock with others” bezalako programak dituzte martxan.

Eguna bukatzeko, Novo Mesto herria ezagutu zuten bertako irakasleen eskutik eta Petra Nograšek-en eskutik KCJT zentroan, bertako dantza eta folklorearen erakustaldi bat ikusteko aukera izan zuten.

Egunaren amaieran beraren ebaluazioa eta ondorioak atera ziren

2. EGUNA 2023-01-18

Egun honetan Sotirov-era bidaiatu zuten.

Bertan nazioarteko tailer bat garatu zuten: Pedagogian sarrera

Bertan jarrera arazoak dituzten haur eta gazteen inklusio praktika onak

 ezagutzeko.

 Haurrekin, lan egiten dute.  Europan herrialde ezberdinek arazo mota

 antzekoei egin behar diete aurre hezkuntzaren eta pedagogiaren inguruan.

Beharrezkoa da garai bateko ikuspegiak egokitzea.

Partehartzaileak jarduera burutzen

                                                                     Egindako eskulanak

                                                                  

                                                                    Irakasle lan-taldea

Sotirov utzita berriro Novo Mestora inguratu ziren. Bertan DRPD - Association for Developing Voluntary Work Novo Mesto –gobernuz kanpoko erakundea ezagutu zuten. Hemen, bolondresek etorkinekin egiten dituzten jarduerak ezagutu zituzten, eskulanak, musika etab. Helburua, pertsona hauen integrazioa harrerako lurraldean.  www.nevladnik.info/si

3. Eguna 2023-01-19 

Egun honetan Ljubljanara bidaiatu zuten eta ZRC SAZU erakundean (The Research Center of the Slovenian Academy of Sciences and Arts) Eslovenian ematen den immigrazioari buruzko estatistikak eta ikerketak aurkeztu zituzten.

Ondoren, Slovenska Filantropija, boluntariotza sustatzeko elkartea ezagutzeko aukera izan zuten. Bertan bolondresak lan egiten dute errefuxiatu eta migratzaileen integrazioan.

Ljubljana ezagutzeko aukera ere izan zuen taldeak. Bazkaria Skuhna.sl jatetxean izan zen. Atzerriko hainbat erakundeek osatzen dute elkarte hau. 

Taldearen argazkia Ljubljanan

4. Eguna 2023-01-20

 

Egun honetan ikastetxeen ezaugarriak aztertzeko aukera izan zuten. 

Haur hezkuntzako ikastetxe bat bisitatu zuten,  Vrtec Ciciban Novo Mesto, bertan, ordezkariak ikastetxearen ezaugarriak azaldu zituzten, horretaz gain, haurrak hainbat ekintza eskeini zizkieten bisitariei: kantu emanaldia, kirol-jokoak  etab.

Ondoren, anfitrioia den ikastetxera berriro itzuli eta bertan,  ikastetxean eskaintzen diren ikasketak, lantzen dituzten proiektuak eta bertako instalakuntzak ezagutzeko aukera izan zuten.

5. LTTA bilera hau arrakastatsua izan da. Gure esker ona adierazi nahi diegu antolatzaileei eta bertan parte hartu duten bazkide guztiei. Denon artean hezkuntza inklusiboago baterantz joateko helburuarekin jarraituko dugu lanean.

 

Hurrengo bilera, 6. LTTA, Euskal Herrian izango da, CIFP Tolosaldea LHII-n hain zuzen ere. Gure lurraldean burutzen diren praktika onak erakusteko gogotsu daude partaideak.

 

Digitech KA2 proiektuko jarraipen bilera burutu dugu

 Erasmus + programaren baitan, DIGITECH KA2 proiektuko jarraipen bilera burutu dugu gaur 4 herrialdeetako erakundeetako ordezkariak. Lehen eta bigarren hezkuntzako irakasleen gaitasun digitalak aztertzen ari gara une honetan.

Turkiako lanbide heziketa bertatik ezagutu dugu.

2022ko azaroaren 27tik, abenduaren 2ra Tolosaldea LHII-ko ordezkaritza bat Turkiara bidaiatu dugu, hain zuzen ere, Bursa kokatzen den, Otomotiv Endüstrisi İhracatçıları Birliği Mesleki ve Teknik Anadolu Lisesira.

Herrialde honetan dagoen ikastetxean, honako gaiak jorratzeko aukera izan genuen:

- Turkiako hezkuntza sistema

- Bertako Lanbide Heziketako egitura

- Metalgintza arloko kurrikuluma

- Eskolen antolakuntza

- Erabiltzen diren tresna eta baliabideak

- Ikastetxe eta enpresaren arteko harremanak

- Ikasleen praktikaldiak enpresetan

- Nazioartekotzeko proiektuak

- Metodologiak.

                              

Ikastetxe hau  duela hamarkada bat sortu zuten eta publikoa denez gain, berau eraikitzeko inguruan oso hedatuta dagoen autogintzako enpresek finantziazioa izan zuen. Eraikin ederra eta jasangarria delako, izendapen bereziak jaso ditu.

Ikastetxe honetan lanbide heziketa irakasten da: Autogintza, Mekatronika, Mekanika, Elektrizitate-elektronika eta Automatismoak eta Informatikako espezialitateak dituzte.

Ikasketak 4 urte hartzen ditu bere baitan, 14 urteetatik 18ra bitartean eta 3. Ikasturtean, ikasleak atzerrira joan daitezke beraien praktikaldia burutzera. Azken ikasturtean, ikastetxean 2 egun eta enpresan 3 egun egiten dituzte praktiketan. Praktikaldia egiten duten bitartean ordainsari bat jasotzen dute.

Ikastetxean harrera jaso genuen bertako Erasmus+ taldearen eta Nihal Göker anderea, zuzendari-ordearen denaren eskutik. Bertan, ikastetxea, bere historia eta Turkiar hezkuntza sistema aurkeztu zizkiguten. Bertan ere, atzerrian egonaldia burututako ikasle batzuk beraien testigantza helarazi ziguten. Ondoren ikastetxeko instalakuntza orokorra ezagutu genituen.

                             

 

Hurrengo egunean Elektrizitate-elektronikoa eta automatismo sailean egon ginen, bertako instalakuntza eta erabiltzen dituzten baliabideak ezagutzen Paksoy jaunaren eskutik. Etxebizitzetako instalazio elektrikoa, ikasleek eraikitako etxebizitzaren simulatu baten muntatzen dituzte. Automatismo elektrikoak, motore trifasikoa etab. ere ikusteko aukera izan genuen.

Informatika alorretik, ikastetxetik garatzen ari diren software-ezbedinak ezagutzeko aukera izan genuen  Yilmaz eta Güler jaunen eskutik. Ikasketetan gai batzuk garatzeko, errealitate birtuala erabiltzeko (VR) aplikazio ezberdinen sortzen ari dira eta horretarako gela aproposak dituzte. Auto baten sistema elektrikoaren simulazioa, artikulu ezberdinak eusteko sistemak eta ikasgela birtuala moduko aplikazioak garatzen ari dira.

 Ikastetxeko ikerketa eta garapen arloko informazioa  Uner jaunak helarazi zuen 3D inprimagailuan ekoiztutako hainbat piezekin egindako sistema automatiko ezberdinak. Covid-19 birusaren detekziorako test-arako kit-ak ere diseinatu eta ekoiztu zituzten modu automatizatu batean.

Autogintzan, bertako instalakuntzak eta talde lanean burutzen dituzten proiektuak ezagutzeko aukera izan genuen Kaymaz jaunaren eskutik. Bertan, estatu mailan burutzen duten auto elektrikoen lehiaketa batean parte hartu zuen autoa ezagutu genuen. Auto hau hilabete batzuetan eraikia izan zen ikasleen eskutik eta ondoren lehia horretan parte hartu zuten.

 Ikastetxean garatzen den beste espezialitatea mekatronika da. Arlo honetan beste lan batzuen artean, makina-erremintak diseinatu eta ekoizten dituzte. Makinak diseinu sinpleetatik konplexuetara joaten dira. Momentu honetan 5 ardatzetako mekanizazio zentro bat eraikitzen ari dira. Makina horiek, beste hainbat egindako lanen antzera, ondoren saldu ditzakete. Azalpenak Ozay jaunaren eskutik jaso genituen.

 

Metal-Mekanikarekin lotuta,  Dogru-ren eta Kahraman jaunen eskutik, espezialitate honetako kurrikuluma aztertzeko aukera izan genuen.  Ikasleek lehen urtean mekanizazio konbentzionalean aritzen dira, ondoren, ZKK programatzen ikasi eta ordenagailuetan simulatzen dituzte egin dituzten programak. Azkenik, mekanizaziorako makina prestatzen dute eta berau burutzen dute.

                                      

Honetaz gain, soldadurako errobota badute eta berarekin pieza edota multzo ezberdinak osatzen dituzte. Aipagarria da, Turkiako ikastetxe ezberdinentzat, bertako mahaiak ikastetxe honetan eraiki dira gobernuaren eskariaz.

Ikasleek atzerrian burutzen dituzten egonaldiaz hitz egiten egon ginen Alkan jaunarekin. Bi hilabeteetako praktikaldiak  egiteko aukera izaten dute atzerriko enpresetan, ikasleen hirugarren ikasturtean. Hainbat herrialdeetako ikastetxeekin dituzte harremanak eta KA2 proiektu batean ere parte hartu zuten. Proiektu hauek burutzeko, Erasmus+ taldea osatuta dute ikastetxean arlo ezberdinetako irakasleekin eta beraiek joaten dira ikasleei laguntzera atzerrira.

 Egonaldi honetako azpimarratzeko beste atal garrantzitsua, enpresetara bisitak izan dira.

Arlo ezberdinetako enpresak bisitatzeko aukera izan genuen.

Lehendabizikoa, autogintzarako piezak eta makina didaktikoak ekoizten dituen enpresa bat. Enpresa honek Ermetal izena du eta Bursan kokatuta dago. Bertan ikasleei eta langileei lanbide edo gaitasun konkretuetan trebatzeko makinak sortzen dituzte eta prestakuntza ere eskaintzen dute. Azalpenak bertako jabea den Farettin Gülener jaunarengatik jaso genituen. Tresna hauen helburua, gaztetxoak teknologiarekiko interesa piztea eta errobotika eta zientzia gaietan beraiek trebatzea dute helburu. Bus-eskola modukoak sortu dituzte, herri edo auzoetako ikastetxe ezberdinetan atal hauetan prestakuntza helarazteko.

Informazio gehiago: ermetalgroup.com

 

Ezagutzeko aukera izan genuen bigarren enpresa, Turticaret.net, zibersegurtasun zerbitzuak, aplikazio ezberdinak, web-orrialdeen domeinuak, laino zerbitzariak etab. eskaintzen dituzte.

1999 urtean sortutako enpresa honetan ikasleek praktikak burutzeko aukera izaten dute.

Infomazio gehiago: turkicaret.net

Ezagutu genuen beste enpresa bat, Dursunoglu Makina izan zen. Enpresa honetan mota ezberdinetako makinak eta ordezko piezak ekoizten dituzte. Sektore ezberdinentzat lan egiten dute, adibidez autogintza eta aeroespazio sektorearentzako  mekanizazioak  eta nazioartekotze mailan dituzte bezeroak. Idris Bahce jaunaren azalpenak jaso genituen bertan.

Informazio gehiago:  Dursunoglumakina.com.tr

                                         

 

Azkenik, autogintzarako piezak ekoizten dituen beste enpresa bat ezagutu genuen. Bayrak Plastik. Enpresa honetan motorren euskarriak, transmisio-muntaiak, motor hidraulikoen euskarriak eta kautxuzko piezak ekoizten dituzte. Eraikitzen dituzten piezak kautxuzko zatiak edota estaldurak eramaten dituzte beraien funtzioak bete ahal izateko. Levant Karas jaunaren azalpenak jaso genituen bertan.

Infomazio gehiago:  bayraplastik.com.tr

 

Aipatutako enpresa hauetan ikasleek praktikaldiak burutzen dituzte.

 

Egonaldi aberasgarria izan da eta aurrera begira elkarlanean aritzeko oinarriak ezarri ditugu.

Proiektu hau Erasmus+ egitarauaren diru laguntzari esker burutu da. 

2021-ES01-KA121-VET-000006179 eta 2022-ES01-KA121-VET-000058524 proiektuen baitan garatutako ekintza izan da.

Erantzukizunetik salbuesteko klausula

 

Erasmus+ 2021-1-ES01-KA121-VET-000006179 Proiektua. Europar Batasuneko Erasmus+ programak finantzatzen du. Prentsa-ohar/komunikatu/argitalpen/eta abarren edukia CIFP Tolosaldea LHII-ren erantzukizun esklusiboa da, eta Europako Batzordea eta Hezkuntza Nazioartekotzeko Espainiako Zerbitzua (SEPIE) ez dira hemen zabaldutako informazioa erabiltzearen erantzule.