Madrilen izan gara Goi Mailako Hezkuntzako Erasmus+ proiektuen 2025ko deialdiko jardunaldietan

 Madrileko "Fabrica Nacional de Moneda y Timbre" erakundean izan gara, bertan,

Erasmus+ Goi Mailako Hezkuntzako proiektuen 2025ko deialdiko jardunaldietan

parte hartuz. Ekitaldi hau 2024ko abenduaren 18an burutu da eta bertan, 2025 ekitaldiko 

KA131, KA171, KA220 buruz aritu ziren eta baita ere kontinente ezberdinen arteko elkarlanaz:        Saharaz hegoaldeko Afrikako herrialdeekin izandako elkarlanaren esperientziaz hain zuzen ere.

Oso jardunaldi interesgarria izan zen.

Lotura honetan aurkitu daiteke jardunaldiaren egitaraua.

Jardunaldien irudia eta iragarkia

Erasmus Days 2024 logo lehiaketa burutu da.

Erasmus Days 2024 ospatzeko, logo lehiaketa bat antolatu da ikastetxeko ikasleen artean.

Lehiaketaren sari gisa 70 Euroko bono kulturala eskeini da.

Irabazlea Eseosa Osaro ikaslea izan da eta saridunak Kultura-opariaren txartela jaso du. Zorionak!

Ikasle irabazlea bere sariarekin. Irudian lehiaketa kartela eta saritutako logoa.

Madrilen izan gara Erasmus+ 2024ko ekintzen hedapen jardunaldietan

  Sepiek antolatuta, Madrilen izan gara 2024ko abenduaren 17an Erasmus+ 2024ko ekintzen hedapen jardunaldian. Bertan, urte honetan burutu diren ekintza eta praktika onak zabaldu dituzte. Agintariek eta erakunde ezberdinetako ordezkariek, 2024ko ekintza azpimarragarrietaz gain, digitalizazioaz, hezkuntzan eta prestakuntzan adimen artifizialak izango duen eraginez aritu dira.

Erasmus+ proiektu esanguratsuak erakutsi dituzte, eredugarri gisa, bertan inklusioa azpimarratzen

zelarik.

EITA sariak banatu dituzte, ikastetxean ongizatea sustatzeagatik eskeinitakoa.

Hizkuntzak aro digitalean. Europear hizkuntzen zigilua 2024.

2024 Kalitatezko proiektuei eskeinitako aitorpen ekitaldia.

Lotura honetan aurkitu daiteke jardunaldiaren egitaraua.

Behean, ekitaldiaren iragarki-kartela eta jardunaldiaren garapeneko irudiak

Erasmus Days 2024 ospatu ditugu ikastetxean

 Beste urte batez, Europa osoan Erasmus Days egunak ospatu dira, Erasmus+ egitarauan baitan egiten diren ekintzak bistaratzeko asmotan. Ikasturte honetan, ekintza ezberdinak antolatu ditugu ikastetxetik aurrez aipatutako ekintza hauek zabaltzeko. Ikastetxeko partaide diren ikasle eta irakasleak beraien testigantza eskeini dute Erasmus+ proiektuarekin izandako esperientzia azalduz.

Erika, Caisen eta Manexek, atzerrian izandako lan prestakuntzaren esperientzia kontatu dute.

Izarok eta Norak, Reunion Uhartean ikasketa eta lan prestakuntzako burutu zuten testigantza eman dute.

Mikel eta Andonik, beraien atzerrian irakasleen prestakuntzarako ekintzen berri eman dute, azkenik, Olatz eta Juan Luis-ek Erasmus+ KA2 proiektuen berri eman dute, beraiek "In as In Inclusion" proiektuaren baitan izandako esperientzia azalduz.

Hemen zabaldu diren bideoak:

1. bideoa - Erika, Caisen eta Manex.

2. bideoa - Izaro eta Nora

3. bideoa - Mikel eta Andoni

4. bideoa -  Olatz eta Juan Luis

Ceuta izan gara Sepiek antolatutako Heziketako Erasmus+ KA121 mugikortasun jardunaldietan

 

Ceutako Teatro Revellin aretoan Sepiek antolatutako, Lanbide Heziketako Erasmus+ mugikortasun jardunaldietan izan ginen. Bertan, KA121- VET eta KA122-VET 2024-ko deialdiko mugikortasun proiektuei buruzko informazioa eta berriak helarazi zizkiguten.   

Informatikariak Hazparneko San Josepekoekin elkartrukea burutu dute

 

Ikastetxeko informatikako ikasle talde bat Hazparneko San Josepe Lizoean izan zen urte honetako martxoan, Cisco ziurtagiriak lortzeko helburuarekin. Horretara, bertako Cisco sarea ezagutu eta froga ezberdinak burutu zituzten berau erdiesteko.

Ikasleak Hazparnen frogak burutzen

Hurrengo egunetan, Hazparnekoek Tolosara etorri ziren, bertan enpresak bisitatu eta elkarlana garatzea. Egonaldi honen baitan, Legazpin dagoen Bellota enpresa bisitatu zuten eta bertako informazio sistema aztertu zuten, bide batez zibersegurtasunari buruzko hitzaldia ere jaso zuten.

                                                   

                                                  Legazpiko Bellota enpresako instalazioak ezagutzen

Ezkion dagoen Igartubeiti baserria ere ezagutzeko aukera izan zuten, gure kultur ondaretaz gozatuz. Bukatzeko elkarrekin bazkaria ere partekatzeko aukera izan zuten, modu honetan,  beste behin ere, proiektuari aurten ere itxiera alai bat emanez.

                                                 

                                                  Bi ikastetxeetako partaideak elkarrekin bazkaltzen

Herbeheretako irakasleak gurean izan dira bisitan

 Herbeheretako S-Hertogenbosch hirian dagoen Koning Willem I Collegeko hiru irakasle gurean izan dira bisitan. Euskal Lanbide Heziketa, gure ikastetxearen egitura, parte hartzen ditugun proiektuak eta beste hainbat gaietaz azalpenak jaso dituzte. Ikastetxeko instalazioak ezagutzeko aukera ere izan dute. Bereziki Mekatronikako ikasketen ezaugarriak ezagutzeko aukera izan dute, alor horretako irakasleak direlako eta elkarlana burutzeko asmoa agertu dutelako bi ikastetxeetako ordezkariek.